आज अनंतचतुर्दशीचा दिवस. गेले ११ दिवस गणरायाची भक्तिभावाने सेवा केली. भाविक गणरायाच्या स्वागतासाठी उत्सुक होतेच शिवाय आगमन झाल्यानंतर त्यांनी अगदी मनोभावे सेवाही केली. सर्वसामान्यांप्रमाणे कलाकारांच्या घरीही गणपती बाप्पा विराजमान झाले होते. यांत असे अनेक कलाकार आहेत जे कोकणातील आहे. आणि त्यांच्या कोकणातील मूळ घरी गणपती बाप्पा आले होते. सुप्रसिद्ध गायिका मुग्धा वैशंपायन आणि गायक प्रथमेश लघाटे हे सेलिब्रिटी कपलही कोकणात पोहोचले. प्रथमेश हा मूळचा कोकणातील म्हणजेच संगमेश्वर आरवलीचा आहे. आणि आरवलीतील घरी तो अधून मधून जात असतो. (Mugdha Vaishampayan Ganeshotsav Special Video)
वेळोवेळी प्रथमेश व मुग्धा कोकणात गावच्या घरी जाताना दिसतात. काही दिवसांपूर्वीच त्यांच्या लघाटे कार्यशाळेत गणपतीच्या मूर्ती बनवण्यासाठी दोघेही आरवलीला पोहोचले होते. यावेळी लघाटेंचे संपूर्ण कुटुंब गणेशाची सेवा करताना दिसलं. संपूर्ण कुटुंब गणपतीच्या मूर्ती रंगवण्यात मग्न असलेलं पाहायला मिळालं. हा व्हिडीओ पाहून अनेकांनी त्यांच्या एकत्रितपणाचं, साधेपणाचं कौतुक केलं आहे.
आणखी वाचा – “लालबागचा राजा गरीबांचा का फक्त VVIP चाच?”, दर्शनावेळी दुजाभाव करताच भाविक भडकले, थेट व्हिडीओ शेअर
यानंतर आता मुग्धा व प्रथमेशने शेअर केलेल्या फोटो, व्हिडीओने साऱ्यांचं लक्ष वेधलं आहे. दरवर्षीप्रमाणे यंदाही प्रथमेशने स्वतःच्या हाताने मोदक बनवले आहेत. तर मुग्धाही यांत काही कमी नाही. मुग्धानेही उत्तम आकार देत मोदक बनवले. “मोदक वळणं आणि बडबड करणं”, असं कॅप्शन देत तिने व्हिडीओ शेअर केला आहे. तर प्रथमेशनेही “यो मोदकसहस्रेण यजति॥ सालाबादप्रमाणे मोदक Making”, असं कॅप्शन देत व्हिडीओ शेअर केला आहे.
आणखी वाचा – Ashish Warang Death : ‘सिंबा’ फेम अभिनेते आशिष वारंग यांचे निधन, वयाच्या ५५ व्या वर्षी घेतला अखेरचा श्वास
मुग्धा व प्रथमेश नेहमीच सोशल मीडियावर सक्रिय असतात. नेहमीच ते काही ना काही शेअर करत चाहत्यांच्या संपर्कात राहत असतात. काही दिवसांपूर्वी दोघेही त्यांच्या गावी आरवलीला गणेशोत्सवासाठी पोहोचले. यावेळी त्यांनी गणरायाची भक्तिभावे सेवा केली. गणरायाबरोबरचे अनेक व्हिडीओ, फोटो त्यांनी शेअर केले आहेत. समोर आलेल्या फोटोंवरुन मुग्धा लग्नानंतर तिच्या सासरी बऱ्यापैकी रंगलेली दिसली. मुग्धा व प्रथमेशच्या मोदक बनवतानाच्या व्हिडीओवर अनेकांनी कमेंट करत त्यांचं कौतुक केलं आहे.
