Shubhangi Sadavarte kelvan : ‘संगीत देवबाभळी’ फेम अभिनेत्री शुभांगी सदावर्तेने काही महिन्यांपूर्वीच घटस्फोटाची बातमी दिली. अभिनेत्रींच्या घटस्फोटाची बातमी सोशल मीडियावर वाऱ्यासारखी पसरताच साऱ्यांना खूप मोठा धक्का बसला. यानंतर आता अभिनेत्रीबाबत एक मोठी अपडेट समोर आली आहे. घटस्फोटानंतर काही महिन्यांतच शुभांगी पुन्हा एकदा लग्नबंधनात अडकणार असल्याचं समोर आलं आहे.शुभांगी सदावर्ते आता दुसऱ्यांदा लग्न करत आहे. तिच्या होणाऱ्या नवऱ्याबरोबरचा केळवणाचा एक व्हिडीओ समोर आला आहे. शुभांगीने तिच्या इंस्टाग्राम अकाउंटवर हा व्हिडीओ शेअर केला आहे.
घटस्फोटानंतर आता शुभांगी पुन्हा एकदा तिच्या आयुष्याची नवी सुरुवात करत आहे. केळवणाचा व्हिडीओ पाहून हे समोर आलं. शुभांगीच्या होणाऱ्या नवऱ्याचे नाव सुमित म्हशेळकर आहे. “जुळली गाठ गं”, असं कॅप्शन देत शुभांगीने हा केळवणाचा व्हिडीओ शेअर केला आहे. शुभांगी आणि तिचा होणारा नवरा सुमितच्या केळवणाचा थाट त्यांच्या मित्र-मैत्रिणींनी घातला.
तर सुमित म्हशेळकरने “नवराई माझी नवसाची”, असं कॅप्शन देत हा केळवणाचा व्हिडीओ शेअर केला आहे. आणि त्यांच्या मित्र परिवाराचे आभार मानले आहेत. ‘संगीत देवबाभळी’ या संगीत नाटकातील आवलीच्या भूमिकेतून रसिकांच्या मनावर छाप पाडणाऱ्या शुभांगीने संगीतकार आनंद ओकसह लग्नगाठ बांधली होती. मात्र ३ सप्टेंबर २०२५ ला त्यांनी घटस्फोटाची घोषणा केली.
आणखी वाचा – प्रॉडक्शन हाऊसच्या उद्धट वागणुकीवर गार्गी फुले भडकल्या, म्हणाल्या, “माजखोरपणा करून लायकी दाखवणार असाल…”
११ जुलै रोजी शुभांगी आणि आनंद यांनी करोना काळात लग्न केले. लॉकडाऊनचे नियम शिथिल झाल्यानंतर शुभांगी आणि आनंद या दोघांचा छोटेखानी विवाह सोहळा पार पडला. या विवाह सोहळ्याला सदावर्ते आणि ओक कुटुंबातील मोजके नातेवाईक आणि जवळचे मित्रमंडळी उपस्थित होती. आता घटस्फोटानंतर तीन महिन्यांतच शुभांगी दुसऱ्यांदा लग्न करणार असल्याचं समोर आलं आहे.
