Rupali Bhosle Mercedes car accident : मालिकाविश्वातील कलाकार हे नेहमीच त्यांच्या अभिनयामुळे चर्चेत असतात. अभिनयाच्या जोरावर ते प्रेक्षकांचं मनं जिंकतात आणि विशेष लक्ष ही वेधून घेतात. पण कलाकार फक्त त्यांच्या भूमिकांमुळेच नाही तर त्यांच्या खासगी आयुष्यामुळेही बरेचदा चर्चेत असलेले पाहायला मिळाले आहेत. अशाच सुप्रसिद्ध कलाकारांपैकी एक म्हणजे रुपाली भोसले. रुपालीने वेगवेगळ्या मालिकांमधून आपल्या अभिनय कौशल्याने प्रेक्षकांची मनं जिंकली आहेत. अभिनयाबरोबरच ती सोशल मीडियावरही खूप सक्रिय असते. तिथे ती आपले फोटो-व्हिडीओ आणि नवीन कामाबाबत अपडेट्स चाहत्यांशी शेअर करत असते.
‘आई कुठे काय करते’ या मालिकेतील संजना या भूमिकेमुळे रुपालीला लोकप्रियता मिळाली. रुपालीच्या खलनायिकेच्या भूमिका विशेष गाजल्या. अभिनयाबरोबरच रुपाली तिच्या वैयक्तिक अपडेटमुळे चर्चेत असलेली पाहायला मिळाली आहे. अलीकडेच रुपालीने तिच्या नव्या गाडीबाबत एक महत्त्वाची माहिती सोशल मीडिया पोस्टद्वारे दिली आहे. यावर्षी जानेवारीत तिने महागडी मर्सिडीज गाडी खरेदी केली होती. मात्र, दुर्दैवाने या गाडीचा अपघात झाला आहे.
आणखी वाचा – लग्नाच्या अडीच वर्षानंतर सुप्रसिद्ध गायिका होणार आई, पारंपरिक अंदाजात केलं डोहाळ जेवण, फोटो व्हायरल
रुपालीने स्वतः इन्स्टाग्राम स्टोरीद्वारे हा व्हिडीओ शेअर केला असून, ‘अपघात झाला, वाईट दिवस’ अशा मोजक्या शब्दांत तिने भावना व्यक्त केल्या आहेत. तिने या व्हिडीओसह तुटलेला हार्ट इमोजीही शेअर केला आहे. व्हिडीओमध्ये गाडीचं झालेलं नुकसान स्पष्ट दिसत आहे. या अपघाताबाबत रुपालीने अद्याप सविस्तर माहिती दिलेली नसली तरी, तिचे अनेक चाहते काळजीत पडले आहेत.
दरम्यान, रुपालीच्या पर्सनल मेकअप आर्टिस्टनेही सोशल मीडियावर एक पोस्ट शेअर करत लिहिलं आहे की, “रुपाली भोसले मॅम मेजर अॅक्सिडेंटनंतरही तेवढ्याच स्ट्रॉन्गली उभ्या राहिल्या. #STRONGWOMEN” असं लिहून तिने भावना शेअर करत रुपालीबरोबरचा फोटो शेअर केला आहे. सध्या रुपाली लपंडाव या नव्या मालिकेतून छोटा पडदा गाजवताना दिसत आहे. या मालिकेत ती सरकार ही खलनायकी भूमिका साकारताना दिसत आहे. आता रुपालीची ही नवी भूमिका मालिकेत कोणते ट्विस्ट अँड टर्न आणणार हे पाहणं रंजक ठरणार आहे.
