नृत्यांगना गौतमी पाटील हे नाव काही महाराष्ट्राला नवीन नाही. लावणीच्या कार्यक्रमातून अचानक लोकप्रियतेस आलेली गौतमी पाटील हिचा खूप मोठा चाहता वर्ग आहे. सोशल मीडियावर गौतमी चाहत्यांच्या नेहमीच संपर्कात राहत असते. लावणी क्वीन म्हणून गौतमीने स्वतःची अशी वेगळी ओळख निर्माण केली आहे. गौतमीने नेहमीच तिच्या कार्यक्रमाने, तिच्या नृत्याने प्रेक्षकांच्या मनावर अधिराज्य केलं आहे. बरेचदा गौतमी कॉन्ट्रोवर्सीमध्ये देखील अडकलेली पाहायला मिळाली. मात्र वेळोवेळी तिने या कॉंट्रोव्हर्सीला उत्तर दिलेले पाहायला मिळालं. (Gautami Patil Western Look)
आपल्या दिलखेचक अदांनी गौतमीने सर्वांचं मन जिंकून घेतलं आहे. अभिनेत्रीने कायमच तिच्या नृत्यकलेने चाहत्यांवर अधिराज्य गाजवलं. आजवर गौतमीने मराठमोळ्या अंदाजात नऊवारी परिधान करत कायमच कार्यक्रमांमध्ये हजेरी लावली. गौतमीचा मराठमोळा पारंपरिक अंदाज नेहमीच प्रेक्षकांना भावला. अशातच आता गौतमीने सोशल मीडियावरुन शेअर केलेल्या एका पोस्टाने साऱ्यांचं लक्ष वेधून घेतलं आहे. यात गौतमीचा वेस्टर्न अंदाज पाहायला मिळत आहे.
गौतमीचा बीचवरील हटके लूक या पोस्टमधून समोर आला आहे. तिच्या या फोटोंनी साऱ्यांचं लक्ष वेधून घेतलं आहे. बीचवरील काही फोटो शेअर करत ती फिरायला गेली असल्याचं समोर आलं आहे. गौतमीच्या या बीचलूक फोटोवरुन नजर हटत नाही आहे. यावेळी गौतमीन पिवळ्या रंगाचा वनपीस परिधान केला होता. आणि त्याखाली हा लूक पूर्ण करण्यासाठी तिने पांढऱ्या रंगाचे शूज कॅरी केले होते. तसेच डोक्यावर टोपी घालून तिने बीचवर काढलेले फोटो सध्या सोशल मीडियावर व्हायरल होत आहेत. कमीत कमी ॲक्सेसरीज परिधान करत गौतमीने केलेला हा वेस्टर्न लूक साऱ्यांनाच विशेष भावला आहे. यंदाच्या उन्हाळ्यामध्ये असा सिम्पल लूक तुम्ही कॅरी करु शकता. ज्यामुळे गरम कमी होण्यास मदत होईल.
गौतमीचा हा सिम्पल लुक असला तरी सोशल मीडियावर तिच्या या लूकने वातावरण हॉट करून सोडलं आहे, असं म्हणणं चुकीचं ठरणार नाही. गौतमीच्या या वेस्टर्न अंदाजातील पोस्टवर नेटकऱ्यांनी अनेक कमेंट करत तिचं भरभरुन कौतुक केलेलं पाहायला मिळतं आहे. या लूकसाठी गौतमीने अजिबात मेकअप केला नव्हता. नो मेकअप लूकमध्ये गौतमी दिसली असून चाहत्यांनाही तिचा हा लूक विशेष आवडलेला पाहायला मिळत आहे. आतापर्यंत आपण गौतमीला साड्यांमध्येच पाहिले मात्र वेस्टर्न वेअरमध्येही गौतमी तितकीच सुंदर दिसते.
