Soham Bandekar Video : मराठी मनोरंजनसृष्टीत गेल्या काही दिवसांपासून बऱ्याच लोकांनी आपल्या प्रेमाची कबुली देत लग्नबंधनात अडकणार असल्याची माहिती चाहत्यांसह शेअर केली. नुकतेच मालिकाविश्वातील अभिनेता मेघन जाधव आणि अनुष्का पिंपुटकर यांचा केळवण समारंभही थाटामाटात पार पडला. यापाठोपाठ आता मराठी मनोरंजन सृष्टीतील सुप्रसिद्ध अभिनेता आदेश बांदेकर आणि त्यांची पत्नी सुचित्रा बांदेकर यांचा मुलगा सोहम बांदेकर सुद्धा लग्नबंधनात अडकणार असल्याची बातमी समोर आली आहे. बरेच दिवसांपासून सोहमच्या लग्नाची चर्चा सुरु असलेली पाहायला मिळाली.
‘स्टार प्रवाह’ वाहिनीवरील ‘येड लागलं प्रेमाचं’ या मालिकेतील अभिनेत्री पूजा बिरारी ही बांदेकरांची सून होणार असल्याचं समोर आलं आहे. पूजा आणि सोहम यांनी अद्याप प्रेमाची कबुली दिलेली नाही. पण आता या नव्या जोडीची लगीनघाई सुरु असल्याचं पाहायला मिळत आहे कारण सोहम बांदेकरच्या सिनेसृष्टीतील लाडक्या मावश्या म्हणजेच अभिनेत्री सुचित्रा बांदेकर यांच्या जिवलग मैत्रिणींनी मिळून सोहम बांदेकरचे केळवण पार पाडले.
आणखी वाचा – पारू-आदित्यला प्रॉपर्टीचा हिस्सा मिळणार का?, अहिल्यादेवींचा मोठा निर्णय, मालिकेत ट्विस्ट
सोशल मीडियावर सध्या सोहमच्या केळवणाचे फोटो समोर आले असून त्यावर चाहत्यांनीअभिनंदनचा वर्षाव केला आहे. अभिनेत्री शिल्पा नवलकर, सुकन्या मोने, अभिजीत केळकर, आणि पूर्वा गोखले यांनी मिळून सोहमचे केळवण पार पडले.आस्वाद उपहार या हॉटेलमध्ये सोहमचे केळवण पार पडले. या हॉटेलच्या सोशल मीडिया पेजवर केळवणाचे फोटो शेअर करण्यात आले आहेत. त्यामध्ये त्यांनी लिहिले की, “सोहम बांदेकर…. सुचित्रा आणि आदेश बांदेकर यांचा मुलगा…. लवकरच हसत हसत आनंदाने लग्नबंधनात अडकणार आहे. म्हणून त्याच्या सगळ्या मावश्यांनी सोहमचे केळवण पार पाडले आहे”, असं लिहीत त्यांनी सुंदर असे फोटो पोस्ट केले आहेत.
आणखी वाचा – कतरीना कैफ-विकी कौशलच्या घरी चिमुकल्याचे आगमन, ४२व्या वर्षी अभिनेत्री झाली आई, कौतुकाचा वर्षाव
केळवणाचे फोटो पाहून आता सोहम आणि पूजाच्या लग्नाची खात्री पटली आहे. त्यामुळे ही जोडी केव्हा लग्नबंधनात अडकणार? याकडे साऱ्यांच्या नजरा लागून राहिल्या आहेत. केळवणाच्या या समोर आलेल्या फोटोंवरुन सोहमची लगीनघाई सुरु झाल्याचं पाहायला मिळत आहे. या पोस्टवर अनेकांनी त्याला शुभेच्छाही दिलेल्या पाहायला मिळत आहेत.
