Prathamesh parab wife post : मंगळसूत्र हा सौभाग्यलंकारातील सर्वश्रेष्ठ दागिना आहे. विवाहित स्त्रिया मंगळसूत्र परिधान करतात. मंगळसूत्र का घालावे, कोणी घालावे हा ज्याचा त्याचा वैयक्तिक प्रश्न आहे. आजकाल मंगळसूत्र घालण्यावरुन बऱ्याच चर्चा सोशल मीडियावर सुरु असलेल्या पाहायला मिळतात. बऱ्याच महिला मंगळसूत्र घालण्याला प्राधान्य देतात तर काही महिला हे मंगळसूत्र न घालण्याला प्राधान्य देतात. हिंदू धर्मात तर मंगळसूत्राशिवाय विवाह संपन्न होतं नाही. मंगळसूत्र हे विवाहित स्त्रीच्या सौभाग्याचं प्रतीक मानलं जातं. मंगळसूत्र कायम घालावे असा कुठे नियम नाही. वा असा कोणता कायदाही नाही. ही ज्याची त्याची आवड आहे. ही बाब लक्षात घेता अनेक महिला आपल्या आवडीनुसार मंगळसूत्र घालतात.
मंगळसूत्राचा हा वाद अनेकदा कलाकार अभिनेत्रींमुळे उद्भवताना दिसतो. अनेक महिला कलाकारांनीही यावरुन भाष्य केलेलं पाहायला मिळालं. अनेक अभिनेत्री आजही मंगळसूत्र घालत नाही, वा त्या एखाद्या सणासुदीला मंगळसूत्र घालण्याला प्राधान्य देतात. आजकाल स्त्रिया या बऱ्यापैकी स्वावलंबी झाल्या आहेत, आणि त्यामुळे त्यांचे विचारही स्वतंत्र्य आणि पुढारलेले आहेत. व्यक्तिस्वातंत्र्य असल्याने अनेक महिला आपली आवड निवडत त्यांना हवा तो दागिना घालण्याला प्राधान्य देतात.
मंगळसूत्र हे परंपरेपेक्षा जास्त आहे असं म्हणणाऱ्याही अधिक महिला आहेत. त्यांच्यामते मंगळसूत्र गळयात असणं सौभाग्याचं लक्षण मानलं जातं. आणि मंगळसूत्र घालण्यावरुन एका सुप्रसिद्ध मराठमोळ्या अभिनेत्याच्या पत्नीचं वाक्य चर्चेत आलं आहे. हा अभिनेता म्हणजे प्रथमेश परब. प्रथमेशने क्षितिजा घोसाळकरसह लग्नगाठ बांधली. ही जोडी सोशल मीडियावर बऱ्यापैकी सक्रिय असलेली पाहायला मिळते. अशातच क्षितिजाने ‘चला करुयात गप्पांचं सेशन’ हा सेगमेंट इंस्टाग्रामवर तिच्या चाहत्यांसह घेतला.
आणखी वाचा – ‘छावा’, ‘काश्मीर फाईल्स’सारखा सिनेमा कधीच बनवणार नाही, जॉन अब्राहमचं मोठं विधान, नेमकं सत्य काय?
यावेळी अनेकांनी क्षितिजाचं तोंडभरुन कौतुक केलं. क्षितिजाचं कायम मंगळसूत्र गळ्यात असण्यावरून तिचं अनेकांनी कौतुक केलं. एका नेटकऱ्याने या सेशन मध्ये तिला म्हटलं की, “तू गळ्यात मंगळसूत्र घालून कायम दिसतेस. ते खरंतर खूप आवडतं. सध्या स्त्रियांना मंगळसूत्र घालणं म्हणजे लाज वाटते. पण ही आपली परंपरा आहे”. तर आणखी एकाने म्हटले, “मी तुला नेहमीच मंगळसुत्र घालताना पाहिलं आहे आणि हे पाहून नेहमीच आम्हाला तुझं कौतुक वाटतं. बरेचजण आजकाल मंगळसूत्र घालत नाहीत” अशी कमेंट एका चाहत्याने केली आहे. यावर क्षितिजा घोसाळकरने कमेंट करत असं म्हटलं आहे की, “माझ्यासाठी मंगळसूत्र हे परंपरेपेक्षा जास्त आहे, दररोज माझ्या हृदयाजवळ राहणारे त्याचे प्रेम आहे. आपले बंधन, आपला आदर आणि आपली वचने यापुढेही साजरी करण्यासारखी आहेत याची आठवण करुन देणारा हा मोठा पुरावा आहे”.
