Hina Khan emotional interview : अभिनेत्री हिना खानने आजवर तिच्या अभिनयाने प्रेक्षकांची मनं जिंकली. मात्र काही काळ हिना कर्करोगाशी सामना करत असल्याचं दिसलं. कमी वयात अभिनेत्रीला या गंभीर आजाराशी दोन हात करावे लागले. अर्थात हा काळ अभिनेत्रीसाठी खूप कठीण होता. हिनाच्या केमोथेरपीच्या वेळेला तिला खूप दुःख, वेदना सहन कराव्या लागल्या. या तिच्या वेदना इतर कोणीही कमी करु शकणार नव्हतं मात्र तिला मानसिक आधार देण्यासाठी तिचा नवरा रॉकी तिच्या पाठीशी खंबीरपणे उभा होता. हिनाच्या पडत्या काळात तिला बॉयफ्रेंड आणि आता नवरा असलेल्या रॉकीने खूप साथ दिली.
२०२४ हे वर्ष हिनासाठी आणि तिच्या कुटुंबासाठी खूप कठीण होतं. ऐन तारुण्यात आणि करिअरच्या शिखरावर असताना अभिनेत्रीला कर्करोगाचा सामना करावा लागला. मात्र या सगळ्यात अभिनेत्री कुठेही थांबली नाही, किमोथेरपी घेऊनही तिने कामामध्ये तितकाच सहभाग दर्शविला. या अभिनेत्रीच्या कठीण काळात तिला तिचा पती रॉकी जयस्वालची खूप साथ लाभली. अभिनेत्री नुकतीच तिच्या पतीसह ‘पती पत्नी और पंगा’ या टेलिव्हिजन कार्यक्रमात सहभागी झाली. यावेळी अभिनेत्री भावुक झालेली दिसली.
आणखी वाचा – शूटिंगचा अखेरचा दिवस अन् डोळ्यांत पाणी, ‘झी मराठी’ची लोकप्रिय मालिका ‘या’ दिवशी घेणार निरोप, कलाकार भावुक
नुकत्याच समोर आलेल्या प्रोमोमध्ये असं पाहायला मिळत आहे की हिना खानला या शोमध्ये आल्यानंतर अश्रू अनावर झाले. तिच्या कर्करोगाच्या प्रवासाबद्दल सांगताना तिला हे अश्रू अनावर झाले होते. नवऱ्याबद्दल अभिनेत्री म्हणाली, “हा माझ्यासाठी खूप करतो. जेव्हा तुम्ही एका भावनिक प्रवासातून जात असता, तेव्हा त्या जोडीदारासाठी एका स्त्रीला तिच्या सर्व दोषांसह स्वीकारुन तिच्यासह लग्न करणं खूप अवघड असते”, यावेळी तिने तिला झालेल्या कर्करोगाबद्दल सांगितलं आहे.
आणखी वाचा – कॅन्सर सर्जरीनंतर दीपिका कक्करने गाठलं स्वयंपाकघर; पहिल्यांदाच बनवली ‘ही’ खास डिश, सासऱ्यांकडून कौतुक
हिनाचा नवरा रॉकी पुढे यावर म्हणाला, “जर दोष असे असतील तर मी १० वेळा तुझ्यासह लग्न करेन”. हे ऐकून रडत असलेली हिना स्मित हास्य करताना दिसली. यावेळी सोनाली बेंद्रने टाळ्या वाजवत रॉकीचं कौतुक केले. ‘पती पत्नी और पंगा’ या शोचे सोनाली बेंद्रे आणि मुन्नवर फारुकी सुंत्रसंचालन करत आहेत.
