आजवर सर्व प्रेक्षकांना आपल्या नृत्यकलेवर ठेका धरायला लावणारी नृत्यांगणा गौतमी पाटील ही कायमच कोणत्या ना कोणत्या कारणामुळे चर्चेत राहिली. मात्र आता गौतमी पाटील आणि तिच्या चाहत्यांसाठी एक वाईट बातमी समोर आली आहे. गौतमी पाटील हिच्या वडिलांचं निधन झालं असल्याची बातमी समोर आली आहे. चार दिवसांपूर्वीच गौतमी पाटील हिचे वडील रवींद्र पाटील हे धुळे येथील सूरत हायवेवर बेवारस अवस्थेत आढळले होते. त्यांनतर धुळे येथील एका शासकीय रुग्णालयात त्यांना उपचारासाठी नेण्यात आले होते. नंतर गौतमीने आपल्या वडिलांना पुण्यातील एका खासगी रुग्णालयात दाखल केलं होतं. पण उपचारादरम्यान त्यांचं काल निधन झालं. (Gautami Patil Father Death)
रवींद्र पाटील यांचे बेवारस अवस्थेतील फोटो सर्वत्र व्हायरल झाले होते. त्यानंतर गौतमीने आपल्या वडिलांची जबाबदारी स्वीकारली आणि वडिलांना पुण्यातील एका खासगी रुग्णालयात उपचारासाठी दाखल केलं. पण उपचारादरम्यान त्यांचं काल निधन झालं. रवींद्र पाटील यांना धुळ्यातील काही सामाजिक कार्यकर्त्यांनी धुळ्यातील रुग्णालयात दाखल केलं होतं.
रवींद्र पाटील यांची धुळ्यात प्रकृती जास्त खालावली होती. त्यामुळे गौतमीने त्यांना पुणे येथील खाजगी रुग्णालयात हलवलं. याबाबत गौतमीने व्हिडीओ शेअर करत आपण माणुसकी म्हणून आपल्या वडिलांच्या उपचाराची जबाबदारी घेतल्याचं सांगितलं होतं.
रवींद्र पाटील यांना दारुचं व्यसन होतं. या व्यसनामुळेच गौतमीची आई तिला पुण्यात घेऊन आली, कालांतारने पुण्यात लहानाच्या मोठ्या झालेल्या गौतमीने डान्स क्लासही लावला. तसेच ऑर्केस्ट्रामध्ये ती काम करू लागली. गौतमीच्या आयुष्यात अनेक चढउतार आले आणि त्यांचा सामान करत अखेर गौतमीने प्रसिद्धीचं शिखर गाठलं. नृत्यांगणा बरोबरच गौतमी एक अभिनेत्री म्हणूनही प्रेक्षकांच्या भेटीस आली. गौतमीने एका चित्रपटातही काम केलं आहे. गौतमीच्या वडिलांच्या निधनाच्या बातमीने गौतमीच्या चाहत्यांमध्ये शोककळा पसरली आहे. गौतमीचं आज पित्याचं छत्र हरपलं आहे.
