Zepto News : आजकाल आपल्याला घरबसल्या काय हवं नको ते मिळतं. हो कारण ऑनलाईन सेवा पद्धतीने या गोष्टी अधिक सुखकर केल्या आहेत. बाजारात जाऊन काही विकत आणण्याऐवजी आपण घरबसल्या वस्तू खरेदी करु शकतो. अर्थात बऱ्याच कंपन्यांनी या संधी प्रेक्षकांसाठी सुरु केल्या आहेत. घर बसल्या तुम्ही एखाद्या मॉलप्रमाणे तुम्ही जे हवं ते हवं तेव्हा मागवू शकता. ऑर्डर केल्यावर तुम्हाला तुमचे पार्सल अवघ्या १०-२० मिनिटांमध्ये रायडर घरपोच आणून देतं. यांत झेप्टो कंपनीचा आवर्जून उल्लेख केला जातो. ऑनलाइन किराणा डिलिव्हरी सेवा देणाऱ्या ‘किरणाकार्ट टेक्नोलॉजीज प्रा. लि.’ (झेप्टो) ही कंपनी गेले अनेक दिवस ग्राहकांचे मन जिंकत आहे.
घरपोच, फार कमी वेळात आणि मुख्यत्वे केवळ खाद्यपदार्थ नाहीतर उपयुक्त वस्तूही झेप्टोवरुन कोणत्याही वेळेला आपण ऑर्डर करु शकत होतो. आता मात्र झेप्टोवरील ग्राहकांच्या विश्वासाला तडा जातो की काय असा प्रश्न उपस्थित झाला आहे. झेप्टोच्या स्टोरवरील छाप्यामुळे याचा फटका कंपनीसह ग्राहकांनाही बसणार असल्याचं चित्र दिसत आहे. सुरुवातीला सुरळीत चालणारी ही झेप्टो कंपनी कालांतराने चुकीच्या गोष्टींमुळे चर्चेत येऊ लागली. आता तर काय या कंपनीने अन्नसुरक्षा नियमांचे उल्लंघन केले.
आणखी वाचा – धक्कादायक! ऊसतोडीला जाण्यापूर्वी हजारो महिलांनी गर्भपिशवीच काढली, भयाण सत्य समोर
या कंपनीकडून अन्नसुरक्षा नियमांचे उल्लंघन केले जात असल्याची माहिती ‘एफडीए’ला मिळाली होती. त्यानुसार धारावी येथील गोदामावर अचानक छापा टाकला. यावेळी तपासणीदरम्यान काही अन्नपदार्थांवर बुरशी आढळली. तसेच हे पदार्थ साचलेल्या, तसेच अस्वच्छ पाण्याजवळ ठेवण्यात आले होते. ज्या पदार्थांची साठवणूक शीतकपाटामध्ये केली होती, तेथील तापमानही नियमानुसार नव्हते. अशा अनेक गोष्टी निदर्शनास आल्याने आता कंपनीच्या अडचणीत वाढ झाली आहे.
आणखी वाचा – ज्येष्ठ अभिनेत्याची भररस्त्यात गोळ्या झाडून हत्या, याच वर्षी केलं होतं लग्न, हत्येमागचं धक्कादायक सत्य समोर
झेप्टो कंपनी मार्केटमध्ये चर्चेत असून नामांकित कंपन्यांना मागे टाकत आपली वेगळी ओळख निर्माण केली आहे. झेप्टोची खासियत म्हणजे २४ तास ग्राहकांसाठी अविरतपणे सज्ज असणे. पण आता झेप्टो कंपनीच्या समोर आलेल्या या नव्या घोटाळ्याने ग्राहकांच्या भुवया उंचावल्या आहेत. ग्राहकांच्या विश्वासाला तडा गेल्याने आता झेप्टोवरून काही मागवायचे की नाही या प्रश्नाने संभ्रमित केलं आहे.
