Bengali actor Rahul Banerjee death : बंगाली चित्रपटसृष्टीतून एक धक्कादायक आणि दु:खद बातमी समोर येत आहे. चित्रपट अभिनेते राहुल अरुणोदय बॅनर्जीचे निधन झाले आहे. राहुल अवघा ४३ वर्षांचा होता. ओडिशातील समुद्रकिनाऱ्यावर शूटिंग करताना पाण्यात बुडून राहुलचा मृत्यू झाला. या बातमीने संपूर्ण बंगाली चित्रपटसृष्टीत शोककळा पसरली आहे. वृत्तांवर विश्वास ठेवला तर, अभिनेता तलासरीमध्ये शूटिंग करत होता. दरम्यान, तो समुद्रकिनारी समुद्रात बुडाला. इंडियन एक्स्प्रेसच्या वृत्तानुसार, हा अपघात आऊटिंगदरम्यान नसून शूटिंगनंतर झाला, जेव्हा अभिनेता शूट संपवून पाण्यात उतरला. त्यानंतरही राहुल बाहेर आला नाही, त्यानंतर शोधाशोध केली असता त्याचा मृतदेह बाहेर काढून तातडीने दिघा रुग्णालयात नेला असता डॉक्टरांनी त्याला मृत घोषित केले.
राहुलचा को-स्टार भास्कर बॅनर्जी यांनी या वृत्ताला दुजोरा दिला आहे. त्याने सांगितले की जेव्हा संपूर्ण टीम शूटिंग संपवून जेवणासाठी गेली तेव्हा राहुल त्यांच्यासोबत गेला नाही. याच दरम्यान हा अपघात झाला. या दु:खद बातमीने संपूर्ण इंडस्ट्रीत शोककळा पसरली आहे. पूर्व मिदनापूर जिल्हा पोलिसांनीही राहुलच्या मृत्यूच्या वृत्ताला दुजोरा दिला आहे. तेथील एएसपी आतिश बिस्वास यांनी सांगितले की, प्रथमदर्शनी तपास हा पाण्यात बुडून मृत्यू झाल्याचा आहे, सविस्तर तपास अद्याप सुरु आहे, त्यानंतरच काही सांगता येईल.
कोण आहे राहुल अरुणोदय बॅनर्जी?
राहुल अरुणोदय बॅनर्जी बंगाली इंडस्ट्रीतील खूप प्रसिद्ध अभिनेते होते. २००८ मध्ये आलेल्या ‘चिरोदिनी तुमी जे अमर’ या चित्रपटातील त्याच्या अभिनयाची आजही प्रशंसा केली जाते. गेल्या अनेक वर्षांत त्यांनी चित्रपट आणि दूरचित्रवाणी मालिकांमध्येही सातत्याने काम केले आहे. ‘लव्ह सर्कस’, ‘शोनो मोन बोली तोमे’, ‘ना हन्नाते आणि कागोजर बू’ याशिवाय तो इतर अनेक चित्रपट आणि मालिकांमध्ये दिसला आहे.
आणखी वाचा – ‘बिग बॉस’ फेम अभिनेता झाला बाबा, काही दिवसांपूर्वीच अपघातातून वाचला, फोटोद्वारे दाखविली पहिली झलक
वैयक्तिक आयुष्याबद्दल बोलायचे झाले तर, राहुल अरुणोदय बॅनर्जीने बंगाली अभिनेत्री प्रियांका सरकारसोबत लग्न केले. दोघेही ‘चिरोदिनी तुमी जे आम’मध्ये एकत्र दिसले होते. दोघांनाही एक मुलगा आहे. २०१७ मध्ये दोघेही वेगळे झाले, पण आपल्या मुलाच्या संगोपनासाठी दोघेही २०२३ साली पुन्हा एकत्र आले.
