प्रसिद्ध बॉलिवूड अभिनेत्री कंगना राणौत नुकत्याच झालेल्या लोकसभा निवडणुकीमुळे चांगलीच चर्चेत आहे. अभिनेत्रीने मंडी मतदार संघातून निवडणूक लढवली होती आणि यात तिचा विजय झाला आहे. त्यामुळे गेले काही दिवस ती चांगलीच चर्चेत आहे. चंदीगढ विमानतळावर एका सीआयएसएफ महिला सुरक्षारक्षकाने कानाखाली लगावली. गुरुवारी संध्याकाळी घडलेल्या या प्रकरणाची सध्या खूपच चर्चा होत आहे. या सीआयएसएफ महिला कर्मचारी कुलविंदर कौरला निलंबित करण्यात आले आहे. अशातच त्या महिला कर्मचाऱ्याचा एक व्हिडिओ सध्या सोशल मीडियावर व्हायरल होत आहे.
ज्यामध्ये ती चंदीगड विमानतळावर भाजप खासदार कंगना रणौतबद्दल राग व्यक्त करताना दिसत आहे. या व्हायरल व्हिडीओ मध्ये ती महिला कर्मचारी शेतकरी आंदोलन आणि कंगणाच्या वादग्रस्त विधानाचा संदर्भ देताना दिसत आहे. या व्हिडीओमध्ये महिला कर्मचारी कंगणाबद्दल राग व्यक्त करत “माझी आई त्यावेळी आंदोलनाला बसली होती. ही (कंगणा) तिथे होती का?” असं रागाने म्हणताना दिसत आहे. चंदीगड विमानतळावर तपासणीदरम्यान कंगणाला सीआयएसएफ महिला कर्मचारीने कानशिलात लगावली. या प्रकरणानंतर कंगनाचे अनेक चाहते व समर्थक दुखावले असले तरी तिने स्वत:ला ठीक असल्याचे जाहीर केले आहे.
CISF constable who slapped Kangana Ranautpic.twitter.com/9TZ9jb9XtH
— Aryan (@chinchat09) June 6, 2024
एक व्हिडीओ शेअर करत तिने आपली प्रतिक्रिया दिली आहे. यामध्ये तिने असं म्हटलं आहे की, “मला अनेकांचे फोन येत आहेत. मी पूर्णपणे सुरक्षित आहे. सुरक्षा तपासणीदरम्यान चंदीगढमध्ये ही घटना घडली. मी सुरक्षा तपासणीदरम्यान जात होते. त्यावेळी दुसऱ्या कॅबिनमध्ये सीआयएसएफची एक सुरक्षारक्षक महिला कर्मचारी होती. मी त्यांच्या पुढे निघून जाण्याची त्यांनी वाट पाहिली. मी पुढे निघून गेल्यानंतर माझ्या बाजूने येत त्यांनी माझ्यावर कानशिलात लगावली. मी त्यांना याबाबत विचारलं असता त्या म्हणाल्या, त्या शेतकरी आंदोलनाला पाठिंबा देतात.”
तसेच यापुढे कंगणाने “पंजाबमध्ये आंतकवाद आणि उग्रवाद वाढत असून तो कसा रोखायचा?” असा प्रश्नही उपस्थित केला आहे. दरम्यान, हरियाणाचे मुख्यमंत्री नायब सिंग सैनी यांनी या घटनेचा तपास सुरू असून आरोपींवर कारवाई केली जाईल, असं म्हटलं आहे.