बॉलीवूड अभिनेत्री तापसी पन्नूचा गुपचूपरित्या विवाहसोहळा पार पडल्यानंतर अधिकच चर्चेत आली आहे. मार्च महिन्याच्या अखेरीस तिच्या लग्नाची बातमी समोर आली होती. ही बातमी समजताच सर्वांना आश्चर्याचा धक्का बसला होता. तिने आपल्या लग्नाबद्दल कोणालाही कळू दिले नव्हते. तिच्या लग्नाला कुटुंबीय व जवळचे मित्र उपस्थित होते. त्यानंतर काही दिवसांनी तिच्या लग्नातील एक व्हिडीओ सोशल मीडियावर तुफान व्हायरल झाला. पण आतापर्यंत लग्नाबद्दल काहीच का कळू दिलं नाही असा प्रश्न सगळ्यांना पडला होता. त्यावर आता तापसीने मौन सोडलं आहे. लग्नाबद्दल का गुप्तता पाळली हेदेखील तिने सांगितले आहे. (Taapsee pannu on wedding)
तापसीने तिचा बॉयफ्रेंड मॅथियस बो बरोबर लग्न केले आहे. पण तिने लग्नाबद्दल कोणालाही कळू दिले नव्हते. याबद्दल तिने ‘हिंदुस्थान टाइम्स’ला दिलेल्या मुलाखतीमध्ये सांगितले की, “मला माझं खासगी आयुष्य बाहेर येऊ द्यायचे नाही आहे. त्यामुळे मी सर्व सांगणार आहे. माझा पती किंवा लग्नामध्ये सामिल झालेले नाही”.
पुढे ती म्हणाली की, “त्यामुळे मी माझे लग्न माझ्यापुरते मर्यादित ठेवले. हे लग्न गुप्त राहावे असा माझा हेतू नव्हता.पण याचा मला बाजार करायचा नव्हता. हे इतरांना कसे समजवावे हे मात्र समजत नव्हते”.
तसेच तिने सांगितले की, “माझ्या लग्नातील कोणताही व्हिडीओ किंवा फोटो सोशल मीडियावर शेअर करण्याचा विचार नाही. मी यासाठी मानसिकरित्या तयार नाही.माझ्या लग्नात जे लोक होते ते माझ्यासाठी तिथे आले होते. मला जज करण्यासाठी आले नव्हते. त्यामुळे मी निश्चिंत होते”. तापसीच्या लग्नाचा व्हिडीओ नुकताच सोशल मीडियावर तुफान व्हायरल झाला.
तिच्या लग्नाची संपूर्ण तयारी तिची बहीण शगुन पन्नूने केली होती. शगुन वेडिंग डिझायनर आहे. तिच्या लग्नात आलेल्या सगळ्यांनीच खूप धमाल केली असेही तिने सांगितले. २०१३ पासून ते दोघंही चांगले मित्र होते. त्यानंतर त्यांच्या मैत्रीचे रूपांतर प्रेमात झाले. २२ मार्च रोजी दोघांनी उदयपुर येथे लग्न केले.
