dharmendra health update : बॉलिवूडचे ज्येष्ठ अभिनेते धर्मेंद्र यांच्या निधनाच्या वृत्तानं चाहत्यांमध्ये गोंधळाचं वातावरण पसरलं आहे. त्यांच्या निधनाची बातमी खरी आहे की खोटी याने साऱ्यांना संभ्रमात पाडलं आहे. माध्यमांमध्ये त्यांच्या निधनाची बातमी देण्यात आली. मात्र धर्मेंद्र यांच्या कुटुंबीयांनी निधनाच्या बातम्या खोट्या असल्याचं जाहीर केलं आहे. गेल्या काही दिवसांपासून धर्मेंद्र यांची प्रकृती खालावली होती. मागील १२ दिवस ते मुंबईतील ब्रीच कँडी रुग्णालयात उपचार घेत होते. मात्र गेल्या दोन दिवसांत त्यांची प्रकृती अधिक खालावली. यादरम्यान, त्यांची भेट घेण्यासाठी बॉलिवूडमधील अनेक कलाकाकारांनी रुग्णालय गाठले.
यादरम्यान, आज दिनांक ११ नोव्हेंबरला उपचारादरम्यान त्यांच्या मृत्यू झाल्याच्या बातम्या समोर आल्या. मात्र, धर्मेंद्र यांच्या मृत्यूच्या बातम्या खोट्या असल्याचं कुटुंबीयांनी सांगितलं. हेमा मालिनी आणि धर्मेंद्र यांची लेक ईशा देओल यांनी मात्र निधनाचं वृत्त फेटाळलं आहे. त्यांनी सोशल मीडियावर पोस्ट शेअर करत यासंदर्भात माहिती आहे.
आणखी वाचा – ९ सेमी ट्यूमर आणि किडनी स्टोन; दीपिका कक्करवर उपचार सुरु, २२% यकृताचा भागही काढला, डॉक्टरांनाही बसला धक्का
What is happening is unforgivable! How can responsible channels spread false news about a person who is responding to treatment and is recovering? This is being extremely disrespectful and irresponsible. Please give due respect to the family and its need for privacy.
— Hema Malini (@dreamgirlhema) November 11, 2025
“माझे वडील धर्मेंद्र यांची तब्येत स्थिर आहे. आम्ही विनंती करतो की, आमच्या या कठीण काळात आम्हाला प्रायव्हसी द्याल. तुमच्या प्रार्थनांसाठी आभार”, अशी पोस्ट ईशा देओलनं शेअर केली आहे. धर्मेंद्र यांच्या तब्येतीबाबत त्यांचे चाहते इशा देओलच्या पोस्टवर कमेंट करत विचारपूस करत आहेत. चित्रपट अभिनेते तथा माजी खासदार धर्मेंद्र यांनी ३०० हून अधिक चित्रपटांमधून भूमिका साकारल्या. चित्रपट रसिकांच्या मनावर त्यांनी अधिराज्य गाजविले. पंजाबमधील एका छोट्या गावातून मुंबईत येऊन त्यांनी अभिनयाच्या क्षेत्रात आपले अढळ स्थान निर्माण केले. त्यांच्या या क्षेत्रातील योगदानाबद्दल त्यांना ‘पद्मभूषण’ पुरस्काराने सन्मानित करण्यात आले.
