suraj chavan wedding : मराठी कलाविश्वात अनेक कलाकार मंडळींनी लग्नगाठ बांधली. यांतील ‘बिग बॉस’ विनर सूरज चव्हाणच्या लग्नाची जोरदार चर्चा रंगलेली पाहायला मिळाली. अगदी शाही थाटामाटात सूरज चव्हाणचा लग्नसोहळा पार पडला. २९ नोव्हेंबरला सूरज संजनासह लग्नबंधनात अडकला. सूरजच्या लग्नाला सिनेविश्वातील अनेक सेलिब्रिटी, सोशल मीडिया इन्फ्लुएन्सर उपस्थित होते. कुटुंबीय आणि गावकऱ्यांसह चाहत्यांनी लग्नाला मोठ्या प्रमाणात हजेरी लावली होती. सूरज चव्हाणच्या लग्नातील अनेक फोटो, व्हिडीओ सोशल मीडियावर मोठ्या प्रमाणावर व्हायरल झाले.
सूरजने त्याच्या मामाच्या मुलीसह म्हणजे संजनासह लग्नगाठ बांधली. सूरजचं संजनावर प्रेम होतं. आणि जिच्यावर प्रेम आहे तिच्याशीच लग्न करायचं असा अट्टाहास ठेवून त्याने अगदी धुमधडाक्यात लग्न केलं. ‘बिग बॉस’ मराठीचे विजेतेपद जिंकल्यानंतर सूरजच्या आयुष्यात खूप बदल झाले. लहानपणीच आई-वडिलांचं छत्र हरपल्यामुळे सूरजच्या घरची परिस्थिती बेताची होती. अशावेळी त्याच्या बहिणींनी त्याचा सांभाळ केला. त्याला लहानाचं मोठं केलं.
आणखी वाचा – “अभिनयापेक्षा डायपर बदलण्यात मी जास्त एक्स्पर्ट झालो”, वडील झाल्यानंतर विकी कौशल म्हणाला, “खूप अवघड…”
आता तर सूरजचं स्वतःच हक्काचं घरही झालं आहे. सूरजने त्याच्याच गावात आलिशान बंगला बांधला आहे. आणि त्याच्या या नव्या घरातच त्याचं लग्न झालं. संजनाने या नव्या घरात गृहप्रवेश केला. लग्नानंतर आता सूरज व संजनाचा सुखी संसार सुरु असल्याचं समोर आलं आहे. सूरजने शेअर केलेल्या एका व्हिडीओमध्ये संजना किचनमध्ये जेवण करताना दिसली. मात्र आता सूरजने शेअर केलेल्या पोस्टमध्ये याची प्रचिती आली आहे.
सूरजने शेअर केलेल्या व्हिडीओमध्ये थेट संजनाने सूरजला प्रपोज केल्याचं दिसत आहे. यावेळी असं दिसत आहे की, संजना पुष्पगुच्छ देत सूरजला “आय लव्ह यु”, म्हणते. यावर सूरज लाजतो आणि म्हणतो, “आज मी इतका खुश आहे की यापूर्वी कधीही नव्हतो”. यावरुन दोघांतील खास बॉण्डिंग पाहायला मिळत आहे. सूरजच्या या व्हिडीओवर नेटकऱ्यांनी कमेंटचा पाऊस पाडला आहे. आणि दोघांना पुढील आयुष्यासाठी शुभेच्छाही दिल्या आहेत.
