Suraj Chavan Video : ‘बिग बॉस मराठी’ सीझन ५ हे पर्व विशेष चर्चेत राहील. यंदाच्या या पर्वात अनेक स्पर्धक मंडळींनी तुफान राडे केलेले पाहायला मिळाले. यंदाच्या पर्वाच्या विजेतेपदावर रील स्टार सूरज चव्हाणने आपलं नाव कोरलं. ‘बिग बॉस मराठी’ची मानाची ट्रॉफी सूरजने पटकावली आणि बारामतीत नेली. ‘बिग बॉस’च्या घरापासून सूरज चर्चेत आलेला पाहायला मिळत आहे. सर्वत्र महाराष्ट्रात सूरज चव्हाणचं भरभरुन कौतुकही होताना पाहायला मिळत आहे. बिग बॉस’मुळे त्याचा चाहतावर्ग मोठ्या प्रमाणात वाढला. ‘बिग बॉस’नंतर आता सूरज त्याच्या गावी परतला आहे. गावाकडेही सूरजचं कौतुक होतं असून अनेकजण त्याचा सत्कार करताना दिसत आहेत.
गावाकडे परतताच अनेकजण सूरजला भेटवस्तू देत त्याचं कौतुक करत आहेत. हा रिऍलिटी शो संपल्यानंतर आता सूरज पुन्हा एकदा कामावर परतला आहे. सोशल मीडियावर विविध व्हिडीओ शेअर करत, डायलॉगबाजी करत चाहत्यांचं मनोरंजन करताना दिसत आहे. मूळचा बारामती मोडवे गावातील असलेल्या सूरजचं त्याच्या गावावर अधिक प्रेम आहे. इतकंच नाही तर गावाकडच्या राहणीमानात सूरज खूप आनंदी राहतो.
‘बिग बॉस’च्या घरातही सूरज गावाकडच्या आठवणींमध्ये रमलेला पाहायला मिळाला. यानंतर आता सूरजचा एक नवा व्हिडीओ समोर आला आहे. या व्हिडीओमध्ये सूरज गावच्या शेतात रमल्याचं पाहायला मिळत आहे. सूरज चव्हाणने गावाकडच्या शेतात फेरफटका मारतानाचा व्हिडीओ सोशल मीडियावर शेअर केला आहे. यात तो ट्रॅक्टर चालवत असल्याचं देखील पाहायला मिळत आहे. या व्हिडीओमध्ये सूरज गुरांना चरायला शेतात घेऊन जातानाही दिसत आहे.
आणखी वाचा – आयोध्येतील माकडांसाठी अक्षय कुमारचा मदतीचा हात, आई-वडील व सासऱ्यांच्या नावाने दान केले कोटी रुपये कारण…
नेटकऱ्यांनी या व्हिडीओवर कमेंटचा पाऊस पाडला आहे. “खरंच हिरो वाटतो सूरज दादा”, “सूरज भाऊने ट्रॅक्टरवर व्हिडीओ काढला”, “सूरज स्टाइल एक नंबर”, अशा अनेक कमेंट नेटकऱ्यांनी हा व्हिडीओ पाहून नेटकऱ्यांचं कौतुक केलं आहे. रिऍलिटी शोनंतर आता सूरज चित्रपटसृष्टीकडे वळला आहे. शो जिंकल्यावर त्याला अनेक चित्रपटांच्या ऑफर्स आल्या आहेत. ‘कलर्स मराठी’चे प्रोग्रामिंग हेड आणि लोकप्रिय दिग्दर्शक केदार शिंदे सूरजला बरोबर घेऊन ‘झापुक झुपूक’ सिनेमा देखील बनवणार आहेत.
