Rakhi Sawant and Sanket Pathak Fight : Bigg Boss Marathi Season 6 च्या घरात नेहमीच काही ना काही घडताना दिसतं, ज्याची नेहमीच चर्चा रंगताना दिसते. अशातच आता ‘बिग बॉस’च्या घरात तीन वाईल्ड कार्ड स्पर्धकांची एंट्री झाली आहे. मात्र, यापूर्वी वाईल्ड कार्ड स्पर्धक म्हणून एंट्री झालेल्या राखी सावंतची हवा काही कमी झालेली नाही. राखीने ‘बिग बॉस’च्या घरातील प्रत्येक स्पर्धकाला आरसा दाखविला आहे. अशातच आता समोर आलेल्या नव्या प्रोमोने साऱ्यांचं लक्ष वेधलं आहे. कारण ‘बिग बॉस’च्या घरात संकेत आणि राखीमध्ये जोरदार वाद पेटला असल्याचं दिसतं आहे.
या प्रोमोमध्ये राखी संतापलेल्या आवाजात संकेतला म्हणताना दिसते, “तू चीटर आहेस… तुझ्यात खरं बोलायची हिम्मतच नाही.” तिच्या या आरोपावर संकेतही चिडतो आणि म्हणतो, “मी काय चीट केलंय?” यावर राखी आणखी संतापते आणि म्हणते, “तुझं लग्न झालं आहे… तरीही तू मुली पटवतोस. म्हणूनच तू चीटर आहेस.” राखीचे हे आरोप ऐकून संकेतचा पारा आणखी चढतो. तो तिला म्हणतो, “उगाच फालतुगिरी करू नको.” मात्र राखी थांबण्याच्या मूडमध्ये नसते आणि ती पुन्हा पुन्हा त्याला “चीटर” असं म्हणत राहते.
आणखी वाचा – लाईव्ह परफॉर्मन्सदरम्यान स्टेजवर ढसाढसा रडली सुप्रसिद्ध गायिका, म्हणाली, “माझा आवाज खूप वाईट आहे”
राखीचं सतत डिवचनं संकेतला सहन होत नाही. अशावेळी संतापलेला संकेत म्हणतो, “मला लाईन क्रॉस करायला लावू नको.” वाद इतका वाढतो की राखी रागाच्या भरात तिची चप्पल काढून संकेतच्या दिशेने फेकताना दिसते. हा प्रसंग पाहून घरातील वातावरण पूर्णपणे तापलेलं दिसतं. पुढे प्रोमोमध्ये संकेत खूपच संतापलेला दिसतो आणि “राखी, आता बघच तू…” असं म्हणत तिथून निघून जातो. आता घरात पेटलेला हा वाद पुढे किती वाढणार आणि त्याचे परिणाम काय होणार, हे पाहणं उत्सुकतेचं ठरणार आहे.
