छोट्या पडद्यावर सध्या तुफान गाजत असलेली मालिका म्हणजे ‘अप्पी आमची कलेक्टर’. लीप घेतल्यापासून ही मालिका लोकप्रियतेमध्ये प्रथम स्थानावर आहे. सध्या या मालिकेत अर्जुन व अप्पी यांच्या नात्यात अनेक चढ-उतार येत असल्याचं दिसून येत आहे. गेले काही दिवस अर्जुन व अमोल यांची भेट कधी होणार? याची सर्वानाच उत्सुकता लागून राहिली होती. अशातच आता ही उत्सुकता पूर्ण होणार आहे. कारण अर्जुनला त्याचा मुलगा कोण आहे? हे कळणार आहे. या ट्विस्टबद्दलचा एक प्रोमो नुकताच समोर आला आहे.
अप्पी-अर्जुनला एकत्र आणण्यासाठी सिंबा कसोशीने प्रयत्न करत आहे. तर, दुसरीकडे अपर्णा ड्रग्स माफीयांवर कारवाई करत आहे. ज्यामुळे तिची वरचेवर अर्जुनबरोबर भेट होत आहे. परंतु, त्यांच्यातील दुरावा स्पष्टपणे दिसून येत आहे. यामध्येच आता अमोल किडनॅप होणार आहे. ज्यामुळे या मालिकेला पुन्हा एक वळण मिळणार असल्याचं दिसून येत आहे.
‘फादर्स डे’निमित्त एक नवीन प्रोमो समोर आला असून या प्रोमोमध्ये अर्जुन व अमोल एकमेकांना भेटतानाचे पाहायला मिळत आहे. या नवीन प्रोमोमदये अमोल किडनॅप झाला असून त्याला वाचवण्यासाठी अप्पी अर्जुनची मदत मागते. त्यामुळे लेकाचा जीव वाचवण्यासाठी अर्जुनही पोहोचतो आणि आपल्या लेकाला सोडवतो. पुढे अर्जुन व अमोल एकमेकांना घट्ट मिठी मारतात. मालिकेचा हा नवीन प्रोमो सध्या सर्वांच्याच पसंतीस उतरत आहे.
या नवीन प्रोमोला चाहत्यांनी लाईक्स व कमेंट्स करत चांगलाच प्रतिसाद दिला आहे. गेले अनेक दिवस प्रेक्षक या नवीन ट्विस्टची वाट पाहत होते. अशातच अमोल व अर्जुनची भेट होतानाचे पाहून प्रेक्षकही खुश झाले आहेत. या नवीन प्रोमोखाली अनेक चाहत्यांनी या भागाबद्दल आपली उत्सुकता व्यक्त केली आहे. तसेच त्यांना हा नवीन ट्विस्ट आवडला असल्याचेही कमेंट्सद्वारे म्हटले आहे.
आणखी वाचा – Video : कुशल बद्रिकेने शेअर केला बायकोचा रियाज करतानाचा व्हिडीओ, म्हणाला, “मी मध्ये काही बोललो तर…”
दरम्यान, अमोल भेटताच अर्जुन प्रचंड भावूक होतो. त्यामुळे आता अर्जुनला त्याचा लेक भेटल्यानंतर या मालिकेत कोणता नवा ट्विस्ट येणार? अमोलला नेमकं कोणी किडनॅप केलं? या प्रकरणामुळे अप्पी-अर्जुन पुन्हा एकत्र येणार का? या सगळ्या प्रश्नांची उत्तर प्रेक्षकांना आगामी भागांतून मिळतील.