‘अप्पी आमची कलेक्टर’ या मालिकेला प्रेक्षक भरभरुन प्रतिसाद देताना दिसत आहेत. गेल्या अनेक वर्षांपासून ही मालिका सुरु असून या मालिकेत आलेल्या रंजक कथानकातील ट्विस्टने ही मालिका साऱ्यांच्या पसंतीस पडत आहे. मालिकेने सात वर्षांचा लीप घेतलेला मालिकेत पाहायला मिळत आहे. अर्जुन व अप्पी यांच्यातील दुरावा लवकरच संपणार असल्याचं मालिकेत पहायला मिळत आहे. शिवाय अमोलसाठी हे दोघेही एकत्र येणार आहेत. (Appi Amchi Collector shivani naik)
मालिकेत अप्पी हे पात्र अभिनेत्री शिवानी नाईक साकारत आहे. शिवानीने अप्पी या भूमिकेला योग्य न्याय दिला आहे असं म्हणणं चुकीचं ठरणार नाही. मालिकाविश्वात पदार्पण करण्याआधी शिवानीने अनेक नाटक व एकांकिकेमधून अभिनयाची आवड जोपासली. या मालिकेआधी शिवानीने स्क्रीनवर कुठेही काम केलेलं नाही आहे. वा कोणत्याही मालिकेत लहान-भूमिकाही साकारलेल्या नाहीत. शिवानीने रंगभूमीवरुन अभिनयाची सुरुवात केली आहे. शिवानीने नाटकांमध्ये काम केलं आहे आणि नाटक हे तिचं पहिलं प्रेम आहे.
सोशल मीडियावरही शिवानी बऱ्यापैकी सक्रिय असते. नेहमीच ती काही ना काही शेअर करत चाहत्यांच्या संपर्कात राहत असते. अशातच शिवानीने तिच्या इन्स्टाग्राम अकाउंटवरुन अनेक फोटोशूटचे फोटो शेअर केले आहेत. मालिकेत येण्यापूर्वी शिवानी नेमकी कशी दिसायची याची झलक या फोटोंमधून पाहायला मिळत आहे. अत्यंत साधी राहणीमान असलेल्या या शिवानीचे फोटोही साधे आहेत. कोणताच मेकओव्हर न करताही शिवानी अत्यंत सुंदर व साधीभोळी होती. या फोटोंमध्ये तिचे थोडेफार ग्लॅमरस अंदाजातील फोटोही लक्ष वेधून घेत आहेत.
सध्या ‘अप्पी आमची कलेक्टर’ या मालिकेत शिवानी कलेक्टर ऑफिसरच्या भूमिकेत दिसत आहे. कमी वेळात प्रसिद्ध झालेल्या या मालिकेतून अप्पी हे पात्र घराघरांत पोहोचलं. खेडेगावातून आलेल्या एका गरीब कुटुंबातील मुलीचा संघर्षमय प्रवास या मालिकेत पाहायला मिळत आहे. आर्थिक, शैक्षणिक व सामाजिक अडचणींवर मात करुन कलेक्टर होण्याची जिद्द अप्पीने पार करत कथानकाला वजनदार केले. शिवानीने साकारलेल्या या मालिकेला प्रेक्षक भरभरुन पसंती देत आहेत आणि तिचं कौतुकही करत आहेत.
