झी मराठी वाहिनीवरील सध्या ‘अप्पी आमची कलेक्टर’ ही मालिका तुफान गाजत आहे. लीप घेतल्यापासून ही मालिका लोकप्रियतेच्या अव्वल स्थानावर आहे. सध्या या मालिकेत अर्जुन व अप्पी यांच्या नात्यात अनेक चढ-उतार येत असल्याचं पाहायला मिळत आहे. गेले काही दिवस अर्जुन व अमोल यांची भेट कधी होणार? याची सर्वानाच उत्सुकता लागून राहिली होती. अशातच आता अमोल हा आपलाच मुलगा असल्याचे अर्जुनला कळलं आहे. त्यामुळे मालिकेला आता आणखी रंजक वळण आलं आहे.
अशातच कालच्या भागात अर्जुनच्या सांगण्यावरुन सारसबागेत भेटायला बोलवतो. मात्र अर्जुन व अप्पी यांची भेट होऊ नये म्हणून आर्या तिच्या आईला बरं वाटत नसल्याचे नाटक करून अर्जुनला बोलवून घेते आणि अर्जुन आर्याच्या आईकडे जातोदेखील. इकडे अर्जुन आर्याच्या आईला बघण्यासाठी जातो आणि तिकडे अमोल त्याच्या बाबाची वाट बघत बसलेला असतो. त्याच्या या वाट बघण्यात संपूर्ण दिवस निघून जातो आणि रात्र होते. त्यानंतर अर्जुनला याच गोष्टीचा पश्चात्ताप होतो.
अशातच झी मराठीच्या सोशल मीडिया अकाऊंटद्वारे एक व्हिडीओ शेअर करण्यात आला आहे, ज्यामध्ये अर्जुन अमोलची माफी मागताना दिसत आहे. या व्हिडीओमध्ये तो असं म्हणतो की,”तू इथे नसताना मी तुझ्यासाठी खेळणी आणली. पण देवाने जाणूनबुजून लहानपणी तुला तुझ्या आईकडे ठेवलं. माझ्याबरोबर नाही. माणूस जवळ असताना त्याची कदर करता येत नसेल तर या खेळण्यांवरच्या प्रेमाचं काय करायचं?”
यापुढे तो अमोलने काढलेले चित्र हातात घेत त्या चित्राकडे बघून असं म्हणतो की “अमोल बाळा मला माफ कर. मी तुला दिलेलं वचन पूर्ण नाही करु शकलो. तू तिकडे एकटा असशील हे माझ्या मनातही आलं नाही. तू उपाशी असशील, एकटा असशील? हे मला माहीतच नाही. एक बाप म्हणून मी आज कमी पडलो. आर्याच्या आईला हॉस्पिटलमध्ये घेऊन जाण्याआधी मी अमोलला सांगायला पाहिजे होतं. मला माफ कर”. त्याचं हे बोलणं ऐकून आर्या येते आणि “माझी आई आजारी असताना मी एकटी पडली असते तर चाललं असतं का?” असं म्हणते.
आणखी वाचा – आता युद्ध पेटणार! राजाध्यक्ष कुटुंबाला नष्ट करण्यासाठी विरोचक तयार, देवी आईच्या लेकी वाचवणार का?
दरम्यान, या व्हिडीओला नेटकऱ्यांनी लाईक्स व कमेंट्सद्वारे चांगलाच प्रतिसाद दिला आहे. तसेच त्यांना हा प्रोमो आवडल्याचेही म्हटले आहे. त्यामुळे आता अर्जुन त्याची ही चूक सुधारेल का? अर्जुनच्या या वागण्यामुळे अप्पीचा राग तो कसा शांत करणार? हे आगामी भागातला पाहायला मिळेल.
