Paaru Serial Update : ‘झी मराठी’ वाहिनीवरील बहुतेक मालिकांनी प्रेक्षकांचं भरभरुन मनोरंजन केलं आहे. दरम्यान, झी मराठी वाहिनीवरील पारू या मालिकेच्या सध्याच्या ट्रॅकने प्रेक्षकांचं विशेष लक्ष वेधलं आहे. त्यामुळे मालिकेत पुढे काय घडणार?, कोणता नवीन ट्विस्ट मालिकेचा संपूर्ण ट्रॅक बदलणार? याकडे प्रेक्षकांचं लक्ष लागलं आहे. मालिकेत पारू आणि आदित्यवर मोठं संकट आल्याचं पाहायला मिळत आहे. दरम्यान, झी मराठी वाहिनीने मालिकेचा नवीन प्रोमो शेअर केला आहे. समोर आलेल्या या प्रोमोमध्ये पारू आणि आदित्य दोघांनी त्यांचा नवीन संसार सुरू करण्याचा निर्णय घेतला आहे.
पारू-आदित्यला घर चालवण्यासाठी पैशांची गरज भासते, ज्यामुळे ते दोघेही काम करण्याचा निर्णय घेतात. पारू अहिल्यादेवींच्या मैत्रिणीच्या घरी काम करते. यावेळी अहिल्यादेवी आणि किर्लोस्कर कुटुंबीय त्यांच्याकडे पाहुणे म्हणून येणार हे कळताच पारू मास्क लावून, म्हणजेच आपली ओळख लपवून, तिकडे काम करताना दिसते. पण या प्रोमोमध्ये अहिल्यादेवीला अजिबात माहिती नसतं की मास्क लावलेली ती मुलगी पारू आहे. दरम्यान, दामिनी पारूजवळ जाते आणि तिचा मास्क काढते, ज्यामुळे अहिल्यादेवीला समजतं की ती मुलगी पारूच आहे.
आणखी वाचा – सुभेदाराच्या घरात प्रियाच्या आई-बाबांची एंट्री, पण सायली-अर्जुनचा मोठा गैरसमज; मालिकेत मोठा ट्विस्ट
तर एकीकडे आदित्य डिलिव्हरी बॉय म्हणून काम करताना दिसतो. आणि त्याची पहिली ऑर्डर अहिल्यादेवींच्या त्या मैत्रिणीच्या घरचीच असते, जिथे तो पाहुण्यांसाठी बुके डिलिव्हर करायला येतो. पण डिलेव्हरी लेट आल्यामुळे त्याला डिलिव्हरीचे पैसे देण्यास नकार ते मालक देतात आणि त्याच्याशी चुकीचा व्यवहार करतात, ज्यामुळे आदित्य खूप दुखावतो. तितक्यात अहिल्यादेवी आणि बाकीचे घरातील सदस्य सुद्धा येतात आणि आदित्यची अवस्था पाहतात.
आणखी वाचा – बापाच्या कर्तव्याची, लेकीच्या प्रेमाची आणि कुटुंबाच्या जगण्याची ओढ; ‘तू माझा किनारा’ चित्रपटाचा ट्रेलर समोर
आता पारू आणि आदित्यला घरात पाहून अहिल्यादेवी कोणता निर्णय घेणार? या बिकट परिस्थितीत अहिल्यादेवी त्यांना घरात पुन्हा बोलावणार का? आणि मालिकेत आणखी कोणता नवीन ट्विस्ट येणार?, हे सारं मालिकेत पाहणं रंजक ठरणार आहे.
