Vaishnavi Hagawane Death : पुण्यातील मुळशी येथील वैष्णवी हगवणेने सासरच्या छळाला कंटाळून वयाच्या अवघ्या २३ व्या वर्षी आत्महत्येसारखं मोठं पाऊल उचललं. सध्या वैष्णवी आत्महत्या प्रकरणाला एक वेगळंच वळण आलं आहे. वैष्णवीच्या मृत्यूनंतर तिच्या सासरच्या मंडळींनाही अटक करण्यात आलं आहे. सध्या वैष्णवी या प्रकरणाने न्यायालयाची पायरी चढली आहे. तर वैष्णवीच्या चिमुकल्या बाळाची जबाबदारीही तिच्या आई-वडिलांकडे म्हणजे कस्पटे कुटुंबाकडे सोपविण्यात आली आहे. अशातच त्या नऊ महिन्याच्या बाळाची ओढाताण होताना पाहायला मिळत आहे.
आईविना आपलं साधं पानही हलत नाही. प्रत्येक क्षणाला आपल्याला आपली हवी असते. तिच्याबरोबर, तिच्यासाठी आपल्याला जगायचं असतं. पण ज्यांच्यावरील आईचे छत्र हरपले असेल त्यांच्यासाठी हा प्रवास अर्थात कठीण आहे. आणि वैष्णवीच्या त्या नऊ महिन्याच्या चिमुरड्यावर ही वाईट परिस्थिती ओढवली आहे. दिवस-रात्र आईच्या अंगा-खांद्यावर खेळणार हे बाळ आता आईविना पोरकं झालं आहे. त्या नऊ महिन्याच्या बालकाला आपली आई आता या जगात नाही हे देखील कळत नसताना त्याच्यावर पोरकं होण्याची वेळ आहे. एकीकडे आई नाही, तर वडील आईच्या मृत्यूमुळे तुरुंगात आहेत, हे जेव्हा त्या बाळाला कळेल तेव्हा तो हे सगळं कसं सहन करेल.
आणखी वाचा – बाळ होण्याच्या एक दिवस आधीपर्यंत केलं काम, अभिनेत्रीने सांगितलं इंडस्ट्रीतील सत्य, म्हणाली, “इथं काम करणं…”
सध्या वैष्णवीच्या बाळाची जबाबदारी तिच्या आई-वडिलांकडे आहे. अशातच त्या बाळाचा एक व्हिडीओ समोर आला आहे. या व्हिडीओने सगळ्यांच मन हेलावलं आहे. अभिनेत्री दीपाली सय्यद हिने हा व्हिडीओ शेअर केला आहे. तिच्या चित्रपटाच्या कार्यक्रमावेळी दीपालीने वैष्णवी प्रकरणावर माध्यमांसमोर भाष्य केलं. या प्रकरणावरुन तिने आरोपींविरोधात संताप व्यक्त केला तर वैष्णवीच्या आई-वडिलांची भेट घेण्याची इच्छाही व्यक्त केली. आणि या इच्छेप्रमाणे दीपालीने कस्पटे कुटुंबाची भेट घेतली. त्यावेळी वैष्णवीच्या त्या लेकाला पाहून तिच्याही भावना दाटून आल्या.
आणखी वाचा – ‘हिरामंडी’ फेम अभिनेत्री झाली आई, गोंडस मुलाला दिला जन्म, कुटुंबात जंगी सेलिब्रेशन
हा व्हिडीओ शेअर करत तिने म्हटलं, “निशब्द. ज्यावेळी अशी दुर्दैवी घटना घडते त्या कुटुंबाचा विचार करण्याचं सोडून राज्यामध्ये आपण कसे एकमेकाला चुकीचे ठरवू यातच सर्व गुंतलेले आहोत. मी कुटुंबाला ज्यावेळी भेट दिली त्यावेळी वैष्णवीच्या आई वडिलांना पाहून अत्यंत वेदना झाल्या. जेव्हा तिच्या त्या लहानशा बालकाला आपण भेटतो तेव्हा खरंच निशब्द. आरोपींना कठोर शिक्षा मिळणारच आहे पण माझी सर्वांना कळकळीची विनंती आहे, वैष्णवीला व तिच्या त्या लहानशा बाळाला न्याय देण्यासाठी सर्वांनी एकत्र या. यावेळी राजकारण नको”.
