‘वादळवाट’, ‘आभाळमाया’ या गाजलेल्या मालिकांमधून प्रेक्षकांच्या भेटीला आलेली अभिनेत्री म्हणजे अदिती सारंगधर. मराठी नाटक, मालिका व चित्रपट अशा तिन्ही माध्यमांतून तिने प्रेक्षकांचे मनोरंजन केलं आहे. आपल्या अभिनयाने चर्चेत राहणारी ही अभिनेत्री सोशल मीडियावरही तितकीच सक्रिय असते. सोशल मीडियावर ते तिचे अनेक फोटो व व्हिडीओ शेअर करत असते. तसेच ती तिच्या खाजगी जीवनाबद्दलची माहितीही देत असते. काही दिवसांपूर्वी अभिनेत्री आई झाली. या गरोदरपणाच्या काळात तिला अजब डोहाळे लागले होते. यावेळी तिने मला बियर प्यायचे डोहाळे लागले असल्याचं वक्तव्य केलं होतं. तिच्या या वक्तव्यामुळे अदिती सोशल मीडियावर चांगलीच ट्रोल झाली होती.
याबद्दल अदितीने नुकत्याच दिलेल्या एका मुलाखतीत भाष्य केलं आहे. यावेळी अदितीने उगीच त्या गोष्टीला मोठं केलं असं म्हंटतीच्या त्या वक्तव्यावर स्पष्टीकरण दिलं आहे. अदितीने नुकतीच ‘इट्स मज्जा’च्या ‘ठाकूर विचारणार’ या मुलाखतीच्या कार्यक्रमात तिची बाजू मांडली आहे. याबद्दल बोलताना ती असं म्हणाली की, “खरंच डोहाळे लागले होते. मी अशी काय गटागटा बिअर पीत नव्हते, लोकांनी त्याचं चर्वण केलं. काय आहे ना ज्याला होतं त्याला ते कळतं. मी कधीही दारु प्यायले नाही आणि पितही नाही. पार्टीमधली सगळ्यात दुखी प्राणी मी आहे. माझी झोपायची वेळ झाली की माझी मी जेवते आणि झोपते. पार्टीमध्ये मी लिंबूपाणी पिते”.
आणखी वाचा – लाइट्स, ड्रामा आणि अॅक्शन! इतका भव्यदिव्य आहे संकर्षण व अमृता यांच्या नव्या शोचा सेट, पाहा Inside Video
यापुढे ती असं म्हणाली की, “मी तेव्हा इतकं थंड पाणी प्यायचे की, जे आयुष्यात कधीच प्यायले नव्हते. मी गरम गरम पाणी पिणारी मुलगी आणि मला बर्फ असलेलं पाणी प्यावसं वाटायचं. मी काही बिअरची अख्खी बाटली नाही प्यायचे, एक घोट अगदी. तो वास एवढंच. नाहीतर माझी चिडचिड व्हायची. ते डोहाळे होते. मी खूप डाएट करणारी मुलगी आहे. मी बाहेरचा वडापाव अनेक वर्ष खाल्ला नव्हता. मी बाहेर जेवले नव्हते. पण मला अतरंगी डोहाळे लागले होते. उलट्या तर भयानक. तेव्हा नऊ महिने मला दिवसांत २५ उलट्या व्हायच्या. १० पावलं चालल्यावर मला उलटी व्हायची. त्यामुळे मी माझं ‘लक्ष्य’चं शूट थांबवलं. मी दोन नाटकेही सोडली. त्या परिस्थितीत मी स्टेजवर उलट्या केल्या असत्या. ही माझी तेव्हाची परिस्थिती होती”.
दरम्यान, गरोदरपणाच्या बियर पिण्याबद्दल अदितीने “गरोदरपणाच्या सुरुवातीला मी खूपच उत्सुक होते. मला तेव्हा बिअर प्यायचे डोहाळे लागले होते. मी भारतीय पदार्थ काही खाल्लेच नाहीत. मी तेव्हा फक्त सलाड खायचे आणि बिअरच प्यायचे” असं म्हटलं होतं.