प्रसिद्ध अभिनेत्री व मॉडेल पूनम पांडे ही अगोदर तिच्या निधनाच्या बातमीमुळे चर्चेत आली होती. त्यानंतर काल तिने तिच्या जिवंत असण्याच्या एक व्हिडीओ शेअर केला. ज्यामुळे ती नेटकऱ्यांच्या ट्रोलिंगचे कारण ठरताना दिसत आहेत. पूनम पांडेचे निधन झाल्यानंतर तिच्या चाहत्यांना धक्का बसला होता. यावर बॉलीवूडच्या अनेक कलाकारांकडून अभिनेत्रीच्या या खोट्या व चुकीच्या वागणुकीवर सडकून टीका करण्यात आली. अशातच आता अभिनेत्रीच्या नवऱ्यानेही त्याची प्रतिक्रिया दिली आहे.
हिंदुस्तान टाईम्सला नुकत्याच दिलेल्या मुलाखतीत सॅम बॉम्बे यांनी पूनम पांडेच्या मृत्यूच्या खोट्या बातमीबद्दल प्रतिक्रिया दिली असून तिचे निधन ही एक खोटी बातमी आहे, हे कळताच त्यालाही धक्का बसला. यावेळी तो म्हणाला की, “तिने जे काही केले याचा मला आनंद आहे. ती जिवंत आहे हेच माझ्यासाठी पुरेसे आहे. अलहमदुलिल्लाह.”
यापुढे सॅमने खुलासा केला की, त्याचा व पूनम पांडेचा अद्याप घटस्फोट झालेला नाही आणि तो म्हणाला की, “ती जिवंत आहे याचा मला आनंद आहे. माझं ऐका, जर कोणी एखाद्या मुद्द्याबद्दल जागरुकता निर्माण करत असेल आणि यासाठी एखाद्याने त्याच्या प्रसिद्धीची किंवा प्रतिमेची पूर्ण अवहेलना केली तर त्याचा पण आदर करूया. पूनम पांडे कालातीत आहे. ती सर्वात धाडसी भारतीय महिला आहे काही वर्षांनी तिचे हे प्रयत्न आनंदाने साजरे केले जाईल.”
दरम्यान, शुक्रवार २ फेब्रुवारी रोजी पूनम पांडेच्या टीमने इन्स्टाग्रामवर एक पोस्ट शेअर केली ज्यामध्ये अभिनेत्रीचे गर्भाशयाच्या कर्करोगामुळे निधन झाले असल्याचे म्हटले होते, तथापि, दुसऱ्याच दिवशी, अभिनेत्रीने प्रेक्षकांना ती जिवंत असल्याचे सांगणारा एक व्हिडिओ शेअर केला आणि स्वतःच्या मृत्यूची बातमी खोटी असल्याचे सांगितले. अभिनेत्रीने केलेल्या या स्टंटवर अनेक कलाकार व नेटकऱ्यांकडून सोशल मीडियाद्वारे जोरदार टीका होत आहे.