छोट्या पडद्यावरील लोकप्रिय मालिकांच्या यादीत एक नाव आवर्जून घेतलं जात ते म्हणजे ‘आई कुठे काय करते’. ‘आई कठे काय करते’ मालिकेतील कलाकार नेहमीच कोणत्या ना कोणत्या कारणामुळे चर्चेत असतात. अशातच या मालिकेतून एक्झिट घेतलेल्या गौरी कुलकर्णी हिची काही दिवसांपूर्वी एक पोस्ट चांगलीच चर्चेत राहिली होती. गौरीने तिच्या वाढदिवसाच्या दुसऱ्याच दिवशी चाहत्यांना खुशखबर दिली. (Gauri Kulkarni Clarification On Engagement)
गौरीने आजवर तिच्या अभिनयाने प्रेक्षकांची मन जिंकली आहेत. गौरी सोशल मीडियावरही बऱ्यापैकी सक्रिय असते. गौरीने शेअर केलेल्या पोस्टमध्ये तिने चाहत्यांना रिंग फ्लॉन्ट करतानाचा फोटो शेअर करत गुडन्यूज दिली होती. यावरून ती लवकरच लग्नबंधनात अडकणार असल्याचीही चर्चा रंगली. आता मात्र गौरीने शेअर केलेल्या या फोटोमागील गुपित तिने स्वतःच उलगडलं आहे.
गौरीने शेअर केलेल्या फोटोमध्ये आपला हात दाखवत पोझ दिली होती. तिच्या हातात असलेली अंगठी पाहून चाहत्यांनी तिचा साखरपुडा झाला असा अंदाज लावला होता. आता मात्र चाहत्यांच्या सर्व प्रश्नांना पूर्णविराम देत गौरीने गुपित उलगडलं आहे. गौरीचा साखरपुडा झालेला नसून तो फोटो तिच्या नव्या व्यवसायाची जाहिरात करण्यासाठी होता. गौरीने स्वतःचा नेल आर्टचा ब्रँड सुरू केला आहे. तिच्या या नव्या व्यवसायाच्या ब्रँडच नाव आहे ‘नखरेल नेल्स’. याबाबतची माहिती गौरीने एक व्हिडीओ शेअर करत दिली आहे. याबद्दल सांगताना तिने लिहिलं, “हो मी एन्गेज आहे, एका खास गोष्टीशी. मी माझ्या नव्या ब्रँडशी एन्गेज आहे. ‘नखरेल नेल्स’. गौरी कुलकर्णीचा प्रेस ऑन नेल ब्रँड ‘नखरेल नेल्स’. मी माझ्या या बाळाची खूप दिवसांपासून प्लॅनिंग करत होते आणि आता ते तुमच्यासाठी तुमच्या समोर आहे.”
पुढे गौरीने लिहिलं, “मी जेव्हा खरंच साखरपुडा करेन तेव्हा तुम्हा सर्वांना नक्कीच सांगेन.” गौरीच्या या नव्या निर्णयावर सगळ्यांनी तिचं कौतुक केलं आहे. चाहत्यांनीही तिच्यावर लाइक आणि कमेंटचा वर्षाव केला आहे. अनेक कलाकारांनी तिला तिच्या नव्या प्रवासासाठी शुभेच्छा दिल्या आहेत.
