Acp Pradyuman Back In Cid : सध्या ‘सीआयडी’ या लोकप्रिय शोची सर्वत्र चर्चा सुरु असलेली पाहायला मिळत आहे. एसीपी प्रद्युमन या पात्राने मालिकेतून कायमचा निरोप घेतला हे ऐकून अनेकांच्या भुवया उंचावल्या. गेली अनेक वर्ष या पात्राने या शोमार्फत रसिक प्रेक्षकांच्या मनात घर केलं आहे. मात्र जेव्हा प्रेक्षकांचे हे लाडके पात्र मालिकेत दिसणार नाही हे कळताच सर्वत्र नाराजीचा सूर उमटलेला पाहायला मिळाला. अशातच आता ‘सीआयडी’च्या चाहत्यांसाठी एक आनंदाची बातमी आहे. या शोमध्ये एसीपी प्रदुमनच्या मृत्यूमुळे दु: खी झालेल्या प्रेक्षकांना आणि निर्मात्यांवर रागावलेल्या चाहत्यांना एक सुखद धक्का मिळणार आहे. एसीपी प्रद्युमन हे पात्र शोमध्ये अजून जिवंत आहे आणि नक्कीच ते येत्या काही दिवसांत पडद्यावर दिसेल.
समोर आलेल्या ताज्या अहवालानुसार अभिनेता शिवाजी साटम सीआयडीमध्ये परत येणार आहेत, कारण शोमध्ये त्यांचे एसीपी प्रदुमन हे पात्र जिवंत आहे. ‘टेली चक्कर’ च्या वृत्तानुसार, निर्माते एसीपी प्रदुमन यांची शोमध्ये पुन्हा प्रवेश करण्याची योजना आखत आहेत. शोच्या चाहत्यांच्या रागामुळे हा निर्णय घेण्यात आला आहे असे सांगितले जात आहे. एसीपी प्रदुमनचे पात्र केवळ सीआयडीच नव्हे तर प्रेक्षकांचे आयुष्य बनले आहे. हे पात्र आणि शिवाजी बर्याच काळापासून सीआयडीशी संबंधित आहेत. त्याचा ‘दया दरवाजा तोड दो’ आणि ‘कुछ तो गडबड है’ हा संवाद नेहमीच प्रत्येकाच्या तोंडी असतो.
आणखी वाचा – हनुमान जयंतीला ‘हा’ नैवेद्य अर्पण करताच समस्या होतील दूर, प्रत्येक इच्छाही होईल पूर्ण…
अशा परिस्थितीत जेव्हा निर्मात्यांनी एसीपी प्रदुमनला मारण्याचा ट्रॅक दर्शविला तेव्हा चाहत्यांनी नाराजी दर्शविली. त्यांच्या शोमधील मृत्यूच्या सीनवेळी बरेच चाहते भावनिक झाले. परंतु आता जनतेच्या मागणीवर, शिवाजी साटम म्हणजेच एसीपी प्रदुमन या शोमध्ये परतणार आहेत. शिवाजी साटम यांना याबाबत विचारले, तेव्हा ते म्हणाले की, निर्मात्यांकडून याबद्दल त्यांना काहीही सांगितले जात नाही. त्याच वेळी, पार्थ समथन नुकताच सीआयडीमध्ये सामील झाला, त्याने अलीकडेच सांगितले की, त्याने चिंताग्रस्त झाल्यामुळे शोची ऑफर नाकारली होती. यानंतर त्याने हे देखील सांगितले की, त्याचे पात्र शोमध्ये बरेच ट्विस्ट आणेल आणि एसीपी प्रदुमनच्या मृत्यूचीही चौकशी करेल.
आणखी वाचा – ‘सेलिब्रिटी मास्टरशेफ’चा विजेता ठरला गौरव खन्ना, ट्रॉफीसह मिळवली इतकी रक्कम, कौतुकाचा वर्षाव
सीआयडीमध्ये शिवाजी साटम यांच्याशिवाय दयानंद शेट्टी, आदित्य श्रीवास्तव, ऋषिकेश पांडे आणि अजय नागरथ यांच्याही मुख्य भूमिका आहेत. सोनी टीव्ही व्यतिरिक्त, दर शनिवारी-रविवारी ओटीटी प्लॅटफॉर्म नेटफ्लिक्सवर हा शो प्रदर्शित केला जातो.
