अभिषेक बच्चन हा बॉलिवूडमधील सर्वात प्रसिद्ध व लोकप्रिय अभिनेत्यांपैकी एक आहे. बिग बी अमिताभ बच्चन व जया बच्चन यांचा तो मुलगा आहे. ‘गुरु’, ‘मनमर्जियां’, ‘दासवी’ यांसारख्या चित्रपटांमध्ये महत्त्वपूर्ण काम करत त्याने स्वतःच एक वेगळं स्थान निर्माण केलं. असं असलं तरी त्यांच्या वडिलांच्या उंचीपर्यंत अद्याप तो पोहोचू शकला नाही, पण त्याच्या अभिनयाच नेहमीच कौतुकही केलं जातं. अभिनेत्याने मुंबईतील बोरिवली भागात सहा अपार्टमेंट्स खरेदी केल्याचा दावा मीडिया रिपोर्ट्समध्ये केला जात आहे. (Abhishek Bachchan New Home)
‘हिंदुस्तान टाईम्स’मध्ये प्रसिद्ध झालेल्या वृत्तानुसार, अभिषेक बच्चनने मुंबईच्या बोरिवली परिसरात ओबेरॉय रियल्टी इस्टेट अंतर्गत ओबेरॉय स्काय सिटी प्रकल्पात सहा अपार्टमेंट्स खरेदी केले आहेत. ज्याची किंमत १५.४२ कोटी रुपये असल्याचे सांगितले जात आहे. अहवालात पुढे असे म्हटले आहे की, कागदपत्रांनुसार, अभिनेत्याने एकूण ४,८९४ चौरस फूट RERA कार्पेट ३१,४९८ रुपये प्रति चौरस फूट या किमतीने खरेदी केले आहे.
बोरिवली पूर्वेकडील वेस्टर्न एक्स्प्रेस हायवे (WEH) च्या बाजूला असलेल्या इमारतीच्या ५७व्या मजल्यावर सहा अपार्टमेंट आहेत. कागदपत्रांमध्ये पुढे नमूद केले आहे की, १० कार पार्किंग सुविधांसह सहा अपार्टमेंटची नोंदणी २८ मे २०२४ रोजी झाली होती. याव्यतिरिक्त, सहा अपार्टमेंटपैकी दोन २५२ चौरस फूट आकाराचे आहेत, दोन अपार्टमेंट १,१०० चौरस फूट आहेत, तर उर्वरित दोन अपार्टमेंट १०९४ चौरस फूट आहे.
आणखी वाचा – आदित्यसाठी पारू करणार वडाची पूजा, दिशा-दामिनीसमोर येणार का सत्य?, मालिकेत रंजक ट्विस्ट
अभिषेकने ओबेरॉय रियल्टी अपार्टमेंटमध्येही गुंतवणूक केली आहे. २०२१ मध्ये, त्याने ओबेरॉय रियल्टीच्या ‘ओबेरॉय ३६० वेस्ट’ प्रकल्पातील एक अपार्टमेंट वरळी, मुंबई येथे ४५.७५ कोटी रुपयांना विकले. २०१४ मध्ये त्याने ४१ कोटी रुपयांपेक्षा जास्त किंमतीत हे अपार्टमेंट विकत घेतले होते. आणि आता त्याने सुमारे १५ कोटी रुपयांना ६ अपार्टमेंट खरेदी करत सर्वांना आश्चर्यचकित केले आहे.