दिवंगत अभिनेत्री श्रीदेवी व चित्रपट निर्माते बोनी कपूर यांची मुलगी आणि प्रसिद्ध बॉलिवूड अभिनेत्री जान्हवी कपूर ही सध्याच्या काही प्रसिद्ध अभिनेत्रींपैकी एक आहे. जान्हवी ही आपल्या स्टायलिश फोटोंनी सोशल मीडियावर कायमच सक्रिय राहत असते. तिच्या अनेक फोटोला चाहत्यांकडूनही चांगलाच प्रतिसाद मिळतो. अशातच अभिनेत्री तिच्या आगामी चित्रपटामुळे चांगलीच चर्चेत आली आहे. लवकरच ती ‘मिस्टर अँड मिसेस माही’ या चित्रपटात दिसणार आहे आणि याच चित्रपटाच्या प्रमोशनमध्ये ती व्यस्त आहे.
या चित्रपटाच्या प्रमोशननिमित्ताने ती सध्या मुलाखती देत असून नुकत्याच एका मुलाखतीत तिने तिच्या एका मित्राबद्दल भाष्य केले आहे. जान्हवीने तिच्या आयुष्यातील एक प्रसंग सांगितला आहे. जान्हवीला तिच्या वडिलांनी एका मुलाबरोबर बेडरूममध्ये एकत्र पाहिल्यानंतर त्यांची प्रतिक्रिया काय होती? याबद्दल तिने भाष्य केले आहे. ‘Mashable India’शी दिलेल्या मुलाखतीत अभिनेत्रीने या प्रसंगाविषयी सांगितले.
या प्रसंगाबद्दल जान्हवीने असं म्हटलं की, “आम्ही आमच्या जुन्या घरात राहत होतो. तेव्हा मी एकदा माझ्या एका मित्राला माझ्या घरी बोलावले होते. त्यावेळी घरी कोणी नव्हते आणि आम्ही दोघे बेडरूममध्ये बोलत होतो. पण तेवढ्यात वडील घरात आले आणि घाबरून मी मुलाला दरवाजाऐवजी खिडकीतून खाली उडी मारायला लावली”.
आणखी वाचा – ‘सिंह’ व ‘तूळ’ राशीच्या लोकांना आज आर्थिक लाभ होणार, इतर राशींच्या नशिबात नेमकं काय? जाणून घ्या…
यापुढे जान्हवीने असं म्हटलं की, “मला वाटले की जर तो खिडकीतून पळून जाईल तर वडिलांना याचा सुगावाही लागणार नाही. पण वडिलांनी सर्व काही सीसीटीव्ही कॅमेऱ्यात पाहिलं आणि माझा प्लॅन फसला. याची शिक्षा म्हणून माझ्या वडिलांनी घरच्या सर्व खिडक्यांना ग्रील लावले”.
आणखी वाचा – विरोचकालाही पाचव्या पेटीचे संकेत, नेत्रा व रुपाली यांच्यापैकी नक्की कुणाच्या हाती लागणार पंचपिटीका?
दरम्यान, जान्हवीने तिच्या वैयक्तिक आयुष्याविषयी अनेकदा भाष्य केले आहे. आईच्या निधनानंतर अभिनेत्रीच्या वडिलांनी जान्हवी व खुशी या दोन बहिणींचे संगोपन केले. अभिनेत्री सोशल मीडियावर बऱ्यापैकी सक्रिय असते. अशातच तिने केलेल्या या वक्तव्यामुळे पुन्हा एकदा चर्चेत आली आहे.
