Prachi Pisat On Rahul Ranade : सध्या मराठी मनोरंजन विश्वात अभिनेत्री प्राची पिसाटचा मुद्दा चर्चेत आहे. एका दिग्गज अभिनेत्याने प्राचीला अश्लील मॅसेज केल्याचा आरोप तिने करत थेट या आक्षेपार्ह संवादाचा स्क्रीनशॉट तिने शेअर केला आहे. प्रसिद्ध अभिनेते सुशील म्हशीलकर यांनी प्राचीला हे मॅसेज केले असल्याचं समोर आलं आहे. अद्याप सुशील यांनी या प्रकरणावर काहीही प्रतिक्रिया दिलेली नाही. प्राचीने उघड केलेल्या या प्रतिक्रियेनंतर मनोरंजन विश्वात खळबळ उडाली आहे. नेटकऱ्यांनी तसेच मनोरंजन क्षेत्रातील अनेक कलाकारांनी प्राचीच्या या धाडसाचे कौतुक केले आहे. अनेक मराठी कलाकारांनी प्राचीला वैयक्तिक मॅसेज करत वा तिच्यासाठी पोस्ट शेअर करत तिला पाठिंबा दर्शविला आहे.
दरम्यान, प्राचीनेही त्यांना प्रतिउत्तर देत त्यांचे आभार मानले आहेत. इतकंच नाही तर, या पोस्टचे, मॅसेजचे स्क्रीनशॉट तिने इंस्टाग्रामवर शेअर करत आभार मानले. यांत अभिनेत्रीने शेअर केलेल्या पोस्टमध्ये एका संगीतकाराने या प्रकरणावरुन केलेल्या मॅसेजचा स्क्रीनशॉटही तिने शेअर केला आहे. संगीतकार राहुल रानडेने प्राचीला या प्रकरणावरुन मॅसेज केले आहेत आणि सुशील यांना तो ओळखतो त्याने केलेले मॅसेज कदाचित दारू पिऊन केले असावेत असं म्हणत त्याची बाजू मांडण्याचा प्रयत्न केला आहे. मात्र प्राचीने राहुल यांच्या या मॅसेजवरही प्रतिउत्तर देत त्यांची चांगलीच कानउघडणी केली आहे.
राहुल रानडेने प्राचीला मॅसेज करत असं म्हटलं की, “हॅलो पीपी. सर्वत्र तुझीच चर्चा सुरु आहे. सध्या माध्यमांनी तुझा मुद्दा उचलून धरला आहे. खरं सांगायचं तर, मी सुदेशला वैयक्तिक ओळखतो. मला एक सांगशील का?, सुदेशने मॅसेज केला तेव्हा नेमकी काय वेळ होती?, कारण माणसं अशा प्रकारचे संभाषण तेव्हाच करतात जेव्हा ते दारू प्यायला बसतात”. यावर उत्तर देत प्राची म्हणाली, “अजून एक नमुना”, “तू वेडा आहेस का?, मला माझा मूलभूत अधिकार मिळवू दे. दारू पिऊन मुलींना मॅसेज करणे हे निमित्त नाही तर हा एक अत्याचार आहे. आणि कुठल्याही मुलीने तिचे वय, वेळ आणि परिस्थिती काहीही असो अत्याचार सहन करायचा ठेका घेतला नाही आहे. प्रत्येक मुलीला आवाज उठवण्याचा पूर्णतः अधिकार आहे आणि तिने लहान-मोठ्या कोणत्याही अत्याचारा विरोधात बोललंच पाहिजे. जर ही तुझी भावना असेल तर तुझेही दारू प्यायल्यानंतरचे किती संवाद बाहेर येतील हे तुलाही कळणार नाही”.
मराठी अभिनेते सुदेश म्हशीलकरांनी त्यांच्या फेसबुक अकाऊंटवरून प्राचीला “तुझा नंबर पाठव ना, तुझ्याशी फ्लर्ट करायची इच्छा झालीये कसली गोड दिसते आहेस. हल्ली खूपच सेक्सी दिसायला लागली आहेस. वाह” असा मॅसेज केला होता. प्राचीने याचे स्क्रीनशॉट सोशल मीडियावर शेअर करत सुदेश म्हशीलकरांनी माफी मागावी असं देखील म्हटलं आहे. प्राचीला अनेक मराठी कलाकारांनी पाठिंबा देत या प्रकरणावर संतप्त प्रतिक्रिया दिल्या आहेत
