Pawandeep Rajan Health : ‘इंडियन आयडॉल १२’ विजेता आणि गायक पवनदीप राजनच्या तब्येतीबाबत खूप मोठी अपडेट समोर आली आहे. ५ मे रोजी उत्तराखंडहून प्रवास करत असताना भीषण कार अपघाताचा त्यांना सामना करावा लागला. उत्तराखंडहून दिल्लीला येताना ड्रायव्हर राहुल सिंग यांनी गजरौलामध्ये डुलकी घेतली आणि त्याची हेक्टर कार कॅन्टरला धडकली, ज्यामुळे त्याचे दोन्ही हात आणि दोन्ही पाय फ्रॅक्चर झाले. कारचे वाईट नुकसान झाले असताना त्याचे इतर दोन साथीदारही जखमी झाले आहेत. ड्रायव्हिंग करताना, ड्रायव्हरने गाडीवरील ताबा सोडला आणि नियंत्रण गमावले, ज्यामुळे कारने आयशर कॅन्टर ट्रकच्या मागील बाजूस धडक दिली. तात्काळ पवनदीप आणि त्याच्या साथीदारांना रुग्णालयात भरती केलं आहे.
आसपासच्या लोकांनी त्यांच्या मदतीसाठी धाव घेतली आणि पोलिसांनी त्यांची सुटका केली आणि त्यांना त्वरित वैद्यकीय मदतीसाठी जवळच्या रुग्णालयात नेले. आता, एका फेरीच्या शस्त्रक्रियेनंतर, पवनदीपच्या टीमने आणखी एक विधान जारी केले आहे, त्यात असे उघडकीस आले आहे की, गायकावर दुसऱ्यांदा शस्त्रक्रिया करण्यात आली आहे. आठ तासांच्या मोठ्या शस्त्रक्रियेनंतर पवनदिपच्या जखमा आणि फ्रॅक्चरवर उपचार करण्यात आले. निवेदनात असे म्हटले आहे की, “हॅलो मित्रांनो, काल पवनवर आणखी तीन शस्त्रक्रिया करण्यात आल्या. सकाळी, त्याला ओटीमध्ये नेण्यात आले आणि ८ तास चाललेल्या शस्त्रक्रियेमध्ये त्याचे सर्व फ्रॅक्चर यशस्वीरित्या ऑपरेट केले गेले. तथापि, तो अजूनही आयसीयूमध्ये आहे आणि त्याला आणखी काही दिवस तिथेच रहावे लागेल”.
त्यांनी पुढे लिहिले आहे की, “डॉक्टरांनी तो आता बरा असल्याचं म्हटलं आहे. आता उपचार आणि पुनर्प्राप्ती प्रक्रिया सुरु झाली आहे. आपण लवकरच बरे होण्यासाठी प्रार्थना करुया. पुन्हा एकदा, प्रत्येकाने केलेल्या प्रार्थनेबद्दल सर्वांचे आभार”. पवनदीपच्या टीमने यापूर्वी शेअर करत म्हटलं होत की, “काल कुटुंब आणि त्याच्या सर्व चाहत्यांसाठी खूप कठीण दिवस होता”.
आणखी वाचा – शुभमंगल सावधान! ‘बिग बॉस’ फेम सुप्रसिद्ध अभिनेता अडकला लग्नबंधनात, लग्नातील पहिला फोटो समोर
त्यांनी असेही म्हटले गेले होते की, “पवनदीप दिवसभर तीव्र वेदना आणि बेशुद्धपणासह संघर्ष करत राहिला. बर्‍याच तपासणीनंतर त्याला सायंकाळी सात वाजता ऑपरेशन थिएटरमध्ये नेण्यात आले आणि सहा तासांनंतर त्याचे काही मोठे फ्रॅक्चर यशस्वी झाले आणि सध्या तो वैद्यकीय आयसीयूच्या देखरेखीखाली आहेत. तीन-चार दिवस विश्रांती घेतल्यानंतर उर्वरित फ्रॅक्चर आणि जखमांसाठी त्याचे पुन्हा ऑपरेशन केले जाईल”.
