झी मराठी वाहिनीवरील ‘तुला शिकवीन चांगलाच धडा’ प्रेक्षकांच्या पसंतीस उतरली आहे. त्यातच दिवसेंदिवस मालिका रंजक वळण घेत असल्याचं पाहायला मिळतंय आणि याच रंजक वळणामुळे प्रेक्षकांचंही मालिकेला प्रेम मिळत आहे. नुकतीच अक्षराने अधीपतीला तिच्या प्रेमाची कबुलीदेखील दिली आहे. प्रेमाची कबुली दिल्यावर त्यांचं नातं अधिक फुलताना दिसत आहे. अक्षरा आणि अधिपतीचा खरा संसार आता कुठे सुरु झाला आहे. त्यामुळे प्रेक्षक अधिकच मालिकेच्या प्रेमात पडत आहेत.
नुकतीच अक्षराने अधिपतीकडे तिला वाटत असलेल्या भावना व्यक्त केल्या. अक्षराने अधिपतीच्या खास अंदाजात त्याला प्रेमाची मागणी घातली. या नवीन ट्विस्टला प्रेक्षकांकडून तुफान प्रतिसाद मिळाला. अशातच आता अधिपती-अक्षरा यांच्या फुलणाऱ्या प्रेमाचे चित्रण आणखी एक नवीन व्हिडीओ झी मराठीच्या सोशल मीडिया अकाऊंटद्वारे शेअर करण्यात आला आहे. या नवीन व्हिडीओमध्ये अधिपती व अक्षरा यांच्यातील गोड क्षण पाहायला मिळत आहेत.
या नवीन व्हिडीओमध्ये अधिपती अक्षराच्या लाजण्याचे कौतुक करत तिला आणखी लाजायला सांगत आहे. अक्षरा लाजत स्वयंपाक घरात घुटमळताना दिसते. तर तिच्यामागे अधिपतीही घुटमळताना या व्हिडीओमध्ये दिसत आहे. अक्षरा त्यांना तिथून जायला सांगतानाच नकळत तिला गरम भांड्याचा चटका लागतो आणि अक्षराला चटका लागल्याचे कळताच अधिपती तिच्या हातावर फुंकर मारू लागतो. मात्र तो चुकीच्या हातावर फुंकर मारतो. यादरम्यान, अक्षरा त्याच्याकडे पाहतच बसते आणि मग त्याला मला त्या नाही या हाताला चटका लागल्याचे सांगते.
आणखी वाचा – Video : बायकोच्या आठवणीत अविनाश नारकरांचा चालत्या गाडीतच डान्स, व्हिडीओही केला शेअर, बायकोने दिले थेट उत्तर
मालिकेचा हा नवीन व्हिडीओ प्रेक्षकांचे चांगलेच लक्ष वेधून घेत असून या नवीन ट्विस्टही त्यांना आवडत आहे. दरम्यान, अधिपती-अक्षरा यांच्या नात्याला अजून घट्ट करण्यासाठी आजी ठरवते की, त्यांच्यासाठी काहीतरी करायचे. अधिपती-अक्षराची खोली सजवण्याची तयारी आजी सुरु करते. ही गोष्ट जेव्हा भुवनेश्वरीला कळते तिचा संताप होतो. भूवनेश्वरी त्यांना वेगळं करण्याचा नवा कट रचताना दिसणार आहे.