Marathi Language Conflict Viral Video : महाराष्ट्रात मराठी भाषा बोलली जावी अशी सक्ती बरेचदा केली जाते. यावरुन अनेकदा वादही झालेले पाहायला मिळत आहेत. परप्रांतीयांनी मराठी भाषाच बोलावी ही सक्ती अनेकदा मराठी माणसांकडून करण्यात येते, दरम्यान आता हीच परप्रांतीय लोक मराठी भाषा बोलण्याला विरोध करताना दिसत आहेत. यावरुन आता हा मराठी भाषा बोलण्याचा वाद उफाळून येताना दिसतोय. अशातच सध्या सोशल मीडियावर मराठी भाषेवरुन झालेल्या एका वादाचा व्हिडीओ तुफान व्हायरल होताना दिसत आहे. यामध्ये एक मराठी जोडपं पिझ्झा डिलिव्हरी करणाऱ्या डिलिव्हरी बॉयशी मराठीच्या मुद्द्यावरुन भांडताना दिसत आहे. दरम्यान, समोर आलेल्या व्हिडीओमध्ये डिलिव्हरी बॉयही त्या मराठी जोडप्याशी हुज्जत घालत व्हिडीओ शूट करताना दिसत आहे.
भांडुपच्या साई राधे इमारतीत घडलेला हा किस्सा आहे. रोहित लावरे नामक डिलिव्हरी बॉय भांडुप येथे पिझ्झा डिलिव्हरीसाठी गेला होता. यावेळी मराठी भाषेवरुन वाद झाला. त्या मराठी जोडप्याने डिलिव्हरी बॉयला मराठी बोलण्याची विनंती केली. मात्र, त्याने मराठी भाषेत बोलण्यास स्पष्ट नकार दिला. हा नकार त्या मराठी जोडप्याला सहन झाला नाही आणि त्यांनी मराठी भाषेत बोलण्याची त्याला सक्ती केली. आम्हाला हिंदी भाषा येत नाही त्यामुळे तू मराठीत बोल असा अट्टाहास हे जोडपे करताना दिसले. मात्र डिलिव्हरी करणाऱ्या बॉयनेही हिंदी भाषाच बोलणार या मतावर ठाम राहणे पसंद केले आणि हा वाद वाढत गेला.
आणखी वाचा – मुलगी झाली, बायको बाळंतपणातच गेली अन्…; तरीही सीमेवर भारतीय सैनिकाचा लढा, संसार उघड्यावर असूनही…
When India is at war there is no difference between those protesting for Palestine, crying for Pakistan and harassing Indians over language. All are traitors who have fallen for one Abrahamic idea or another. Picking on a poor Domino pizza delivery guy for not knowing Marathi is… pic.twitter.com/GiQhdKTGpR
— Eminent Intellectual (@total_woke_) May 13, 2025
“जबरदस्ती है मराठी बोलणे का?, और क्यू?” (मराठी बोलण्याची जबरदस्ती आहे का?, आणि का?) असा सवाल डिलिव्हरी बॉयने केला. यावर त्या जोडप्याने “है यहा पर ऐसा ही है” (आहे. इथे असेच आहे) असं हिंदी भाषेत उत्तर दिलं. यावर चिडून त्या डिलिव्हरी बॉयने “ऐसे कौन बोला?” (असं कोण बोललं?) असा सवाल केला. यावर त्या जोडप्याने कोणा संबंधित व्यक्तीला कॉल करण्याची धमकी दिली. आणि पिझ्झाचे पैसे न देण्याचे सांगितले. यावर तो डिलिव्हरी बॉय रागाच्या भरात “हिंदी बोलणे को नहीं आता तो ऑर्डर नहीं करने का, नहीं देना है ना पैसे मत दो”, असं म्हटलं.
आणखी वाचा – सुप्रसिद्ध मराठी अभिनेत्री झाली आई, लग्नाच्या सहा वर्षांनी दिली गुडन्यूज, घरी चिमुकल्याचं आगमन
हा सर्व प्रकार त्या डिलिव्हरी बॉयने त्याच्या कॅमेऱ्यात कैद केला. यावर त्या महिलेने माझा व्हिडीओ काढू नकोस असंही त्याला म्हटलं. आणि उलट स्वतःचा फोन हातात घेत डिलिव्हरी बॉयचा व्हिडीओ काढू लागली. तर पतीने दार बंद करत ही ऑर्डर खराब असल्याचं म्हटलं. यावर डिलिव्हरी बॉयने काय खराब आहे असाही सवाल केला. मात्र जोडप्याने यावर काहीच उत्तर दिलं नाही. हा व्हिडीओ पाहून नेटकरीही आता संताप दर्शविताना दिसत आहेत. फ्री पिझ्झासाठी मराठीची सक्ती कितपत योग्य आहे असा सवाल नेटकऱ्यांनी केला.
