‘बिग बॉस’ मराठीमुळे अभिनेत्री सई लोकूर घराघरांत पोहोचली. सईने ‘बिग बॉस’ मध्ये प्रवेश केल्यानंतर ती विशेष चर्चेत राहू लागली. सोशल मीडियावरही सई बऱ्यापैकी सक्रिय असते. नेहमीच ती काही ना काही शेअर करत चाहत्यांच्या संपर्कात राहत असते. ‘बिग बॉस’ मराठी नंतर सई तिच्या वैयक्तिक कारणामुळे चर्चेत असते. ‘बिग बॉस’ नंतर सई कुठेच दिसली नाही. तिने सिनेसृष्टीतून काहीसा ब्रेकच घेतला. आणि ती लग्नबंधनात अडकली. सईने ३० नोव्हेंबर २०२० मध्ये तीर्थदीप रॉयबरोबर लग्न केले. लग्नानंतर सई तिच्या संसारात रमलेली पाहायला मिळाली.(Sai lokur Daughter)
लग्नाच्या तीन वर्षांनंतर १७ डिसेंबर २०२३ रोजी तिने गोंडस मुलीला जन्म दिला. सई सोशल मीडियावरही बऱ्यापैकी सक्रिय असते. नेहमीच ती काही ना काही शेअर करत चाहत्यांच्या संपर्कात राहत असते. ती तिच्या लेकीबरोबरचे अनेक फोटो, व्हिडीओ शेअर करताना दिसते. लेकीबरोबर सई सध्या वेळ घालवताना दिसत आहे. नुकतीच सईने तिच्या इन्स्टाग्राम अकाउंटवरुन शेअर केलेल्या एका पोस्टने साऱ्यांचं लक्ष वेधलं आहे. या पोस्टमध्ये सई, तिच्या नवऱ्याबरोबर व पतीबरोबर सिंगापूर दौऱ्याला गेली असल्याचं पाहायला मिळालं.
सईने तिच्या इन्स्टाग्राम अकाउंटवर पहिल्यांदाच लेकीबरोबरचा फोटो शेअर केला आहे. या फोटोला कॅप्शन देत तिने लिहिलं आहे की, “ताशीची पहिली आंतरराष्ट्रीय सहल सिंगापूर होती आणि म्हणून हा फोटो माझ्या इन्स्टाग्रामवर असावा असं मला वाटतं. तिने सुट्टीचा मनसोक्त आनंद लुटला. ती फ्लाइटमध्ये खूप आरामात होती आणि प्रवासात ती अर्धावेळ झोपली होती. सिंगापूर व्हीलचेअर आणि स्ट्रोलर फ्रेंडली असल्यामुळे सिंगापूरमध्ये तिच्याबरोबर फिरणे खूप सोपे होते”.
सईने पुढे लिहिलं, “जवळजवळ सर्व ठिकाणी नर्सिंग रूम होत्या, जिथे मी तिचे कपडे सहज बदलू शकत होते आणि तिला खायला देऊ शकत होते. तिला प्रवासात मजा आली. तिला तिच्या आजूबाजूच्या सर्व गोष्टी पाहण्याची आणि नवीन गोष्टी शोधण्याची खूप उत्सुकता होती. ती एकदाही रडली नाही किंवा दररोज इतके तास बाहेर असल्याने तिला कंटाळाही आला नाही. तिला हवं तेव्हा ती एखाद्या चांगल्या मुलीसारखी तिच्या स्ट्रोलरमध्ये झोपायची आणि इतर वेळी, आम्ही भेट दिलेल्या सुंदर ठिकाणांचा तिने मनसोक्त आनंद घेतला. त्यामुळे एकंदरीतच ही एक उत्तम सहल होती आणि ती नेहमी लक्षात राहील”.