Nikhil Chavan And Anushka Sarkate Wedding : मराठी मनोरंजनविश्वातील लोकप्रिय कलाकार अनुष्का सरकटे आणि निखिल चव्हाण यांच्या लग्नाची चाहत्यांमध्ये उत्सुकता शिगेला पोहोचली आहे. लवकरच विवाहबंधनात अडकणार असलेल्या या जोडीच्या लग्नपूर्व विधींना सुरुवात झाली असून नुकतेच त्यांचे पारंपरिक केळवण पार पडले. याचे व्हिडीओ आणि फोटो सोशल मीडियावर तुफान व्हायरल होत आहेत. थेट सुपारी फोडण्याच्या कार्यक्रमाचा व्हिडीओ शेअर करत त्यांनी प्रेमाची जाहीर कबुली दिली. यापूर्वी ही जोडी कारभारी लयभारी या मालिकेत एकत्र काम करताना दिसली.
अनुष्का आणि निखिल यांच्या खास सोहळ्यात ज्येष्ठ अभिनेते भरत जाधव आणि त्यांची पत्नी, तसेच अभिनेत्री शर्मिला शिंदे यांनी उपस्थित राहून नवदांपत्याला शुभेच्छा दिल्या. प्रेम, आपुलकी आणि पारंपरिक मराठमोळ्या वातावरणात पार पडलेल्या या केळवण सोहळ्याचे काही खास क्षण सोशल मीडियावरही चर्चेचा विषय ठरत आहेत. दोघांनी यावेळी खास उखाणाही घेतल्याचं पाहायला मिळालं. केळवणासाठी निखिल आणि अनुष्काचा मराठमोळा अंदाजही लक्षवेधी ठरला.
आणखी वाचा – घटस्फोटाच्या १२ वर्षांनी टीव्ही अभिनेत्रीची लगीनघाई, सिंगापूरच्या उद्योगपतीसह बांधणार लग्नगाठ
केळवणाच्या निमित्ताने अनुष्का आणि निखिल यांच्यासाठी खास जेवणाचा बेत करण्यात आला होता. भरत जाधव आणि त्यांची पत्नी, जयराज नायर, शर्मिला शिंदे या कलाकारांनी दोघांचे प्रेमाने स्वागत करत त्यांच्या आगामी वैवाहिक आयुष्यासाठी शुभेच्छांचा वर्षाव केला. कलाकारांच्या उपस्थितीमुळे सोहळ्याला अधिक रंगत आली. अनुष्का सरकटे आणि निखिल चव्हाण यांच्या शाही लग्नपत्रिकेचीही सोशल मीडियावर हवा झाली. आता त्यांच्या लग्नपूर्व कार्यक्रमांना सुरुवात झाल्याने विवाहसोहळा आता लवकरच पार पडणार असल्याचे समोर आले आहे. त्यामुळे चाहत्यांमध्येही या लोकप्रिय जोडीच्या लग्नाबाबत मोठी उत्सुकता निर्माण झाली आहे.
आणखी वाचा – सत्य मांडण्याचा प्रयत्न अखेर यशस्वी; ‘द महाराष्ट्र फाईल्स’ रिलीजसाठी सज्ज, १२ जूनपासून जवळच्या चित्रपटगृहात
दरम्यान, केळवण सोहळ्यातील फोटो आणि व्हिडीओ सोशल मीडियावर व्हायरल होत असून चाहत्यांकडून या भावी नवदांपत्यावर शुभेच्छांचा वर्षाव केला जात आहे. मराठी मनोरंजनसृष्टीतील ही लोकप्रिय जोडी आता आयुष्याच्या नव्या प्रवासाला सुरुवात करण्यासाठी सज्ज झाली आहे.
