मराठमोळे अभिनेते अविनाश नारकर आणि अभिनेत्री ऐश्वर्या नारकर हे कायमच चर्चेत असणारे कपल आहे. या कपलने ९०च्या दशकातील चित्रपट गाजवले होते. आजही एक आदर्श म्हणून ओळखले जातात. दोघेही सोशल मीडियावर प्रचंड सक्रिय असतात. त्यांचे एकत्र डान्स करतानाचे व्हिडीओ सोशल मीडियावर व्हायरल होताना दिसतात. ऐश्वर्या व अविनाश यांना डान्सची आवड आहे. त्यामुळे हे दोघेही त्यांची डान्सची आवड पूर्ण करताना दिसून येते.
ऐश्वर्या नारकर यांच्यापेक्षा अविनाश नारकरांना डान्सची आवड अधिक असून ऐश्वर्या यांच्यापेक्षा अविनाश नारकरच चांगला डान्स करतात असं मत ऐश्वर्या यांनी अनेकदा व्यक्त केलं आहे. त्यामुळे ट्रोलर्सला न जुमानता अविनाश नारकर त्यांची डान्सची हौस व आवड अगदी मनापासून पूर्ण करतात. अविनाश नारकर हे सोशल मीडियावर फारच सक्रिय असतात. ते त्यांचे अनेक व्हिडीओ सोशल मीडियाद्वारे शेअर करत असतात आणि त्यांच्या या व्हिडीओलं प्रेक्षकांकडूनही चांगलाच प्रतिसाद मिळतो. अशातच त्यांनी नुकतीच केलेली नवीन रील सर्वांचे लक्ष वेधून घेत आहे.
आणखी वाचा – मेष, तूळ राशीच्या लोकांसाठी बुधवारचा दिवस महत्त्वाचा, करिअरमध्ये मिळणार यश आणि व्यवसायात लाभ
प्रवासादरम्यान गाडीतच अविनाश नारकरांनी एक डान्स व्हिडीओ केला असून याचा व्हिडीओ त्यांनी इन्स्टाग्रामद्वारे शेअर केला आहे. तसेच त्यांनी या व्हिडीओखाली एक पोस्टही लिहिली आहे. “व्वा व्वा व्वा व्वा… नगरहून परतीचा प्रवास…अचानक धो धो कोसळणारा पाऊस आणि बायकोची मुसळधार आठवण… दिलाची आणि मनाची अवस्था आणखी काय होणार”. या हटके डान्सवर अविनाश यांनी अगदीच धमाकेदार डान्स केल्याचे या व्हिडीओमध्ये दिसून येत आहे.
दरम्यान, या व्हिडीओला चाहत्यांनी लाईक्स व कमेंट्स करत चांगलाच प्रतिसाद दिला आहे. अनेकांनी कमेंट्सद्वारे या व्हिडीओखाली अनेकांना त्यांचा डान्स आवडत असल्याचेही म्हटले आहे. तर ऐश्वर्या नारकरांनीदेखील नवऱ्याच्या या डान्स व्हिडीओवर कमेंट करत प्रतिसाद दिला आहे. हसण्याच्या ईमोजीद्वारे त्यांनी कमेंट केली आहे.