Vaishnavi Hagawane Death : पुण्यातील वैष्णवी हगवणे प्रकरण आता वेगळंच वळण घेताना दिसत आहे. वैष्णवीची हत्या की आत्महत्या असा प्रश्न उपस्थित केला जात आहे. वैष्णवीने आत्महत्या नाही तर तिची हत्या झाली आहे, असा दावा वैष्णवीच्या आई-वडिलांनी म्हणजेच कस्पटे कुटुंबाने केला आहे. दरम्यान, वैष्णवी मृत्यू प्रकरणाची चौकशी वाढली आहे. या प्रकरणामध्ये पोलिसांचा सखोल तपास सुरु आहे. वैष्णवीने ज्या फॅनला साडी अडकवत गळफास घेतला ती साडी आणि फॅन दोन्ही वस्तू फॉरेन्सिक रिपोर्टसाठी तपासणीसाठी दिला आहे.
वैष्णवीने ज्या फॅनला गळफास लावून घेतला आणि ज्या साडीचा वापर केला ते दोन्ही फॉरेन्सिक तपासासाठी पाठवण्यात येणार आहे. बावधन पोलीस ते फॅन व साडी फॉरेन्सिक रिपोर्टसाठी पाठवणार आहेत. वैष्णवीच्या आत्महत्या प्रकरणात बावधन पोलिसांकडून तपासाला वेग आला आहे. वैष्णवीने साडीच्या साहाय्याने घरातील पंख्याला गळफास घेतला होता. हा पंखा ७१ किलो वजन पेलू शकतो का, हा प्रश्न असून लवकरच याची तपासणी देखील होणार असल्याची माहिती आहे.
आणखी वाचा – Video : कॅन्सरमुळे सुप्रसिद्ध अभिनेत्याचं निधन, लेकाला शेवटचं पाहताना ढसाढसा रडली आई, भावुक व्हिडीओ समोर
वैष्णवीने सासरच्या त्रासाला कंटाळून गळफास घेत स्वतःला संपवण्याचा निर्णय घेतला. हा त्रास इतका जास्त होता की, वैष्णवीने तिच्या पोटच्या नऊ महिन्याच्या बाळाचाही विचार न करता मोठं पाऊल उचललं. वैष्णवीच्या आत्महत्येनंतर तिच्या सासरच्या मंडळींना म्हणजेच सासरे,सासू, दीर, पती, नणंद यांना अटक केली आहे. या प्रकरणाने न्यायालयाची पायरी चढली असून आता वैष्णवीला न्याय मिळणार का याकडे अनेकांच्या नजरा लागून राहिल्या आहेत.
आणखी वाचा – अन्न तुंबलेल्या पाण्याजवळ ठेवले आणि…; झेप्टोचा किळसवाणा प्रकार समोर, तुम्हीही ऑर्डर करत असाल तर…
तसेच वैष्णवी प्रकरणात निलेश चव्हाण या आरोपीलाही ताब्यात घेतले आहे. फरार झालेल्या निलेश चव्हाणला पुणे पोलिसांनी नेपाळ बॉर्डरवरुन अटक केली. त्याच्याकडे सापडलेल्या लॅपटॉप आणि मोबाईलमध्ये महत्त्वाचे काही व्हिडीओ असण्याची शक्यताही वर्तविली जात आहे. दरम्यान, निलेशने तो लॅपटॉप व मोबाईल त्याचा नसल्याचा दावाही केला आहे. आता वैष्णवी प्रकरणात तो एक फॅन ७१ किलो वजन पेलवू शकणार होतं का याचा खुलासा लवकरच होईल.
