Panchayat 4 OTT Release : ‘पंचायत’च्या चाहत्यांसाठी एक आनंदाची बातमी समोर आली आहे. प्राइम व्हिडीओने ‘पंचायत सीझन ४’ ची घोषणा केली आहे. ही मालिका २०२० मध्ये सुरु झाली. आता या मालिकेची पाच वर्षे पूर्ण झाली आहेत. या आनंदात, निर्मात्यांनी चाहत्यांना चौथ्या हंगामाच्या प्रदर्शनाच्या तारखेची घोषणा केली आहे. आजवर पंचायतच्या तीन सिझनने प्रेक्षकांनी मन जिंकली आहेत. अतिशय शांत, सौम्य आणि आशयघन कथा असलेली ही सिरिज आता नव्या भागासह प्रेक्षकांच्या भेटीस येणार आहे. या सिरिजचे तीन सिझन संपल्यानंतर आता चौथा सिझन येणार असून हा नवा सिझन प्रेक्षकांना नवं काय देणार हे पाहणं उत्सुकतेचं असेल.
‘पंचायत’ कधी प्रवाहित होईल?
२ जुलैपासून ‘पंचायत ४’ ही वेबसीरिज प्राइम व्हिडीओवर प्रवाहित होईल. पुन्हा एकदा, खेड्याची तीच हृदयस्पर्शी कथा आणि आपल्या आवडत्या पात्रांचा मजेदार प्रवास यामध्ये पाहायला मिळणार आहे. तीन पुरस्कारप्राप्त आणि सर्वत्र जबरदस्त प्रशंसा मिळविल्यानंतर, पंचायतने स्वत: ला चाहत्यांची आवडती वेबसीरिज बनविली आहे. याची सोपी पण हृदयस्पर्शी कहाणी, दमदार अभिनय आणि गावच्या सुंदर अशा राहणीमानाने प्रत्येकाची मन जिंकली. आता सीझन ४ मध्ये, अधिक नाटक, हास्य आणि भावनिक क्षण सापडणार आहेत, जे फुलेराचे हे जग चाहत्यांच्या आणखी जवळ आणेल.
‘पंचायत ४’ मध्ये, जितेंद्र कुमार, नीना गुप्ता, रघुबीर यादव, फैसल मलिक, चंदन रॉय, सान्विका, दुर्गेश कुमार, सुनीता राजवार आणि पंकज झा हे कलाकार दिसतील. पंचायत एक विनोदी नाटक आहे. अभिषेकची कहाणी त्यात दर्शविली आहे. अभिषेक जो अभियांत्रिकी आहे. त्याला एका दुर्गम गावात पंचायत कार्यालयाच्या सचिवाचे काम मिळते. शहरातून गावात आल्यावर तो स्वतःला कसा त्या राहणीमानात, वातावरणात सामावू घेतो आणि ग्रामस्थांच्या समस्यांचे निराकरण कसे करतो. हे मालिकेत दर्शविले गेले. आता येत्या हंगामात, अभिषेक, प्रधान जी आणि फुलेराचे प्रिय लोक नवीन आव्हानांनी कसे संघर्ष करतात ते पाहायला मिळणार आहे.
आणखी वाचा – “रिऍलिटी शो स्क्रिप्टेड असतात”, सुप्रसिद्ध कोरिओग्राफर टेरेंस लुईसचा मोठा खुलासा, म्हणाला, “टीआरपीसाठी…”
‘पंचायत सीझन ४’ वायरल फीवर (TVF) द्वारे तयार केले गेले आहे. दीपक कुमार मिश्रा आणि चंदन कुमार यांनी ही सिरिज बनवली आहे. चंदन कुमार यांनी याची कथा लिहिली आहे. दीपक कुमार मिश्रा आणि अक्षत विजयवर्गिया यांनी या सिरिजच्या दिग्दर्शनाची धुरा पेलवली आहे.
