भारतीय क्रिकेटचा माजी संघाचा खेळाडू हरभजन सिंग या दिवसात आपल्या नवीन शोबद्दल चर्चा करताना दिसत आहे. खरंतर, हरभजनने त्यांची पत्नी आणि अभिनेत्री गीता बसर यांच्यासमवेत ‘पर्पल रोज एंटरटेनमेंट’ ही नवीन प्रॉडक्शन कंपनी सुरु केली आहे. या अंतर्गत, त्याने ‘Who is The Boss’ हा एक नवीन चॅट शो सुरु केला आहे. दरम्यान, यावेळी हरभजन अशा लोकांवर टिपण्णी करताना दिसला जे लोक त्यांच्या पत्नी आणि कुटुंबाला खेळाडूच्या वाईट कामगिरीवर लक्ष्य करतात. सध्या तर सोशल मीडियाच्या वाढत्या वापराने हे प्रमाण अधिकच वाढलं आहे. सोशल मीडियावर अनेक ट्रोलर्स हे खेळाडूंच्या कुटुंबाला टार्गेट करताना दिसतात. सध्या हा प्रकार मोठया प्रमाणात सुरु आहे, आणि यावरच हरभजनने भाष्य केलं आहे. (Harbhajan Singh On trolling)
हरभजन सिंग अलीकडेच ‘झटपट बॉलिवूड’शी उघडपणे बोलला. जेव्हा त्याला विचारले गेले की, त्याच्या पत्नीला किंवा मैत्रिणीला खेळाडूच्या वाईट कामगिरीचा दोष दिला जातो अशावेळी एक कुटुंबाचा भाग म्हणून तुला काय वाटत?. यावर हरभजन उत्तर देत म्हणाला की, “हे अगदी चुकीचे आहे. असे होऊ नये, जर खेळाडू मैदानात गेला तर तो नेहमीच विजयाबद्दल विचार करतो”.
आणखी वाचा – “तुला डोकं नाही आहे”, प्रथमेश परबच्या बायकोला नेटकऱ्याने हिणवलं, म्हणाली, “माझं कौतुक म्हणून स्वीकारते आणि…”
पत्नी व कुटुंब नेहमीच संघाचा विचार करतात
हरभजन सिंग पुढे म्हणाले की, “बर्‍याच वेळा आपण पाहतो की जर विराट चांगला खेळत नसेल तर त्याच्या पत्नीला लक्ष्य केले जाते. मग आपण हे सर्व काय करीत आहात? खेळाडू कधीकधी हरतो आणि कधी विजय मिळवितो. जर तो एखाद्या दिवशी चांगला खेळला नसेल तर त्याच्या कुटुंबातील सदस्यांना कोणत्याही प्रकारे दोषी ठरवू नये. आपण त्याची पत्नी किंवा कुटुंब नव्हे तर खेळाडूशी बोलले पाहिजे. कारण ती नेहमीच खेळाडू आणि संघासाठी चांगला विचार करेल आणि विजयाचा विचार करेल”.
आणखी वाचा – २९ जखमा, पाच-सहा वार ताजेच अन्…; वैष्णवी हगवणे प्रकरणातील मोठी माहिती, शेवटच्या श्वासापर्यंत वार आणि…
हरभजन सिंह याने अभिनेत्री गीता बसराशी लग्न केले होते. लग्नानंतर अभिनेत्रीने ग्लॅमरस जगातून बाहेर पडणे निवडले होते. ही जोडपी दोन मुलांचे पालक आहेत. लवकरच ते त्यांच्या नवीन शो ‘Who is The Boss’ मध्ये एकत्र दिसतील.
