ग्लॅमरस अभिनेत्री पूजा सावंत सध्या एका विशेष कारणामुळे चर्चेत आली आहे. मराठीमधील सुप्रसिद्ध अभिनेत्री पूजा सावंत हिने चाहत्यांसह एक आनंदाची बातमी शेअर केली आहे. लवकरच पूजा विवाहबंधनात अडकणार आहे. ‘आमचं ठरलं’ म्हणत पूजाने तिच्या होणाऱ्या पतीबरोबरचे फोटो शेअर केले. रिंग फ्लॉन्ट करत तिने तिच्या होणाऱ्या नवऱ्याबरोबरचे अनेक फोटोस शेअर देखील केले होते. आता साऱ्यांच्या नजारा पूजाच्या लग्नाकडे लागून राहिल्या आहेत. (Pooja Sawant Bride Too Be Celebration)
सध्या पूजा सावंत गोवा ट्रिप एन्जॉय करताना दिसत आहे. पूजा तिच्या कलाविश्वातील मित्र मैत्रिणींसह गोवा ट्रिप एन्जॉय करत आहे. प्रार्थना बेहेरे व भूषण प्रधान यांच्यासह ती फिरायला गेली आहे. गोव्याच्या किनाऱ्यावरील अनेक फोटोस, व्हिडीओस त्यांनी शेअर केले आहेत. गोव्यात मज्जा मस्ती करताना पूजा, भूषण, प्रार्थना यांच्यासह पूजाची भावंडं तसेच प्रार्थना बेहेरेचा नवराही दिसला. त्यांच्या गोव्यात एन्जॉय करतानाचा एक व्हिडीओ पूजाने नुकताच तिच्या इन्स्टाग्राम अकाऊंटवरून शेअर केला आहे.
पूजाने शेअर केलेल्या व्हिडीओमध्ये तिच्या मित्र मैत्रिनींनी बॅचलर पार्टी केलेली पाहायला मिळत आहे. ‘ब्राईड टू बी’ पार्टीचा व्हिडीओही तिने शेअर केला आहे. या व्हिडीओमध्ये कलाकारांनी केक कापून पूजाच्या ब्राईड टू बी पार्टीचे सेलिब्रेशन केले. त्यांनी यावेळी डान्सही केलेला पाहायला मिळाला. एकूणच भूषण, प्रार्थना यांनी पूजाच्या ब्राईड टू बी पार्टीचे धमाल सेलिब्रेशन करण्यासाठी गोवा ट्रिपचं आयोजन केलं होतं.
पूजाने ‘इट्स मज्जा’ला दिलेल्या मुलाखतीत तिच्या लव्हस्टोरीबद्दल भाष्य केलं. यावेळी बोलताना तिने त्यांच्या भेटीचा खुलासा केला. पूजा म्हणाली, “आम्ही अरेंज मॅरेज सेटअपमध्ये भेटलो. पण त्यांनतर आम्ही खूप छान मित्र झालो. मला त्याचं स्थळ आलं होतं. त्यानंतर फोनवर आमचं बोलणं सुरू झालं. आम्ही एकमेकांचे खूप छान मित्र झालो. फोनवर आम्ही खूप बोललो, खूप वेळ घेतला. एकमेकांबद्दल गोष्टी जाणून घेतल्या. हळू-हळू आम्ही एकमेकांच्या प्रेमात पडलो. आणि आम्ही लग्न करण्याचा निर्णय घेतला. त्यामुळे हे अरेंज मॅरेज नसून अरेंज कम लव्ह आहे असं म्हणता येईल” असं ती म्हणाली.