Abhishek Bachchan Property : अभिषेक बच्चनने आपल्या उत्कृष्ट अभिनय कौशल्याने प्रेक्षकांच्या मनात स्थान निर्माण केले आहे. तरीही, त्याची कामगिरी चित्रपटाच्या व्याप्तीच्या पलीकडे आहे. मीडिया रिपोर्ट्सनुसार, अभिषेक बच्चनची एकूण संपत्ती चित्रपट व वेब सीरिजमधून होणाऱ्या कमाईपेक्षा कितीतरी जास्त आहे. आणि याचे कारण असे आहे की, अभिनेत्याने रिअल इस्टेटपासून ते क्रीडा उद्योजक होण्यापर्यंतच्या अनेक व्यवसायांमध्ये पैसे गुंतवले आहेत. अभिनेत्याने कोणत्या व्यवसायात किती गुंतवणूक केली आहे याबाबत आज आपण थोडक्यात जाणून घेणार होता. बॉलिवूड अभिनेता अभिषेक बच्चन हा उत्तम व्यावसायिक आहे. ‘टाइम्स ऑफ इंडिया’च्या रिपोर्टनुसार, अभिनेत्याची एकूण संपत्ती २८० कोटी रुपये आहे. अनेक प्रसिद्ध ब्रँड्समध्ये गुंतवणूक करुन त्याने आपला आर्थिक पोर्टफोलिओ वाढवला आहे. सध्या, अभिषेकने युरोपियन T20 प्रीमियर लीग (ETPL) मध्ये पैसे गुंतवले आहेत.
अभिषेक या लीगचा सहमालक बनला आहे. ही लीग या वर्षी १५ जुलै ते ३ ऑगस्टपर्यंत चालणार आहे. ETPL ही एक स्पर्धा आहे जी आंतरराष्ट्रीय क्रिकेट परिषद (ICC) ने मंजूर केली आहे आणि यामध्ये आयर्लंड, स्कॉटलंड, न्यूझीलंडचे संघ समाविष्ट असतील. एक क्रीडा उद्योजक म्हणून अभिषेक बच्चनने प्रो कबड्डी लीग फ्रँचायझी संघ जयपूर पिंक पँथर्स २०१४ मध्ये विकत घेतली होती. क्रीडा संघाने त्याच वर्षी प्रथमच पीकेएल चॅम्पियनशिपही जिंकली. राज शामानी यांच्याशी झालेल्या संभाषणादरम्यान अभिषेक बच्चन याने जयपूर पिंक पँथर्सकडून १०० पेक्षा जास्त वेळा नफा कसा कमावला आहे हे उघड केले. अभिनेता म्हणाला होता, “अत्यंत कमी बजेटमध्ये जी गोष्ट सुरु झाली ती आज शेकडो कोटींची आहे. हे खूप छान आहे”.
आणखी वाचा – जुई गडकरीच्या ‘त्या’ फोटोचा गैरवापर, अभिनेत्रीचा संताप, म्हणाली, “असे दुसऱ्याचे फोटो…”
२०१४ मध्येच, अभिषेक बच्चन MS धोनी आणि विटा दानी यांच्यासह इंडियन सुपर लीग फुटबॉल संघ चेन्नईयन FC चे सह-मालक बनले. चेन्नईयिन एफसीने २०१५ आणि २०१८ मध्ये आयएसएल चॅम्पियनशिप जिंकली होती. अभिषेक बच्चन हे त्यांचे वडील आणि दिग्गज अभिनेते अमिताभ बच्चन यांचं प्रॉडक्शन हाऊस एबी कॉर्पोरेशनचे महत्त्वाचे सदस्य आहेत. निर्माता म्हणून त्यांनी ‘पा’, ‘शमिताभ’ आणि ‘घूमर’ हे चित्रपट दिले आहेत. अभिषेक बच्चन आणि त्याचे वडील अमिताभ बच्चन यांनीही गेल्या काही वर्षांत रिअल इस्टेटमध्ये मोठी गुंतवणूक केली आहे. ‘हिंदुस्तान टाइम्स’च्या वृत्तानुसार, २०२० ते २०२४ या पाच वर्षांच्या कालावधीत अभिनेत्याने संपूर्ण भारतात २२० कोटी रुपयांची मालमत्ता खरेदी केली आहे. अहवालानुसार, २०२४ मध्ये केवळ त्याच्या रिअल इस्टेट पोर्टफोलिओची किंमत १०० कोटी रुपयांपेक्षा जास्त आहे. अमिताभ-अभिषेक यांनी नुकतेच मुंबईतील मुलुंड पश्चिम येथील ओबेरॉय रियल्टीच्या इटर्नियामध्ये २४.९५ कोटी रुपयांना १० अपार्टमेंट खरेदी केले आहेत.
अभिषेक बच्चनने वडील अमिताभ बच्चन यांच्याबरोबर अनेक लोकप्रिय ब्रँडमध्येही त्याने गुंतवणूक केली आहे. २०१५ मध्ये, त्यांनी Meridian Tech च्या मालकीची सिंगापूर-आधारित ऑनलाइन क्लाउड स्टोरेज वेबसाइट Ziddu मध्ये संयुक्तपणे गुंतवणूक केली. ‘द हिंदू’च्या रिपोर्टनुसार, अमिताभ आणि अभिषेक यांनी जिद्दूमध्ये $125,000 (जवळपास 2 कोटी रुपये) गुंतवले आहेत. २०१७ मध्ये, लाँगफिन कॉर्पने कंपनी ताब्यात घेतल्यानंतर त्यांनी २५०,००० शेअर्समधून ११२ कोटी रुपये कमावले. अभिषेक बच्चननेही आंतरराष्ट्रीय स्तरावर प्रसिद्ध असलेल्या वाहदम ब्रँडमध्ये गुंतवणूक केली आहे. वाहदम हा एक देशी चहाचा ब्रँड आहे ज्याच्या ग्राहकांच्या यादीत ओप्रा विन्फ्रे, ख्रिस प्रॅट आणि एलेन डीजेनेरेस सारख्या सेलिब्रिटींचा समावेश आहे. नागिन, एक लोकप्रिय फूड ब्रँड ज्याची खासियत हॉट सॉस अशी आहे. अभिषेक बच्चननेही २०२२ मध्ये या ब्रँडमध्ये गुंतवणूक केली होती.
