Bigg Boss Marathi 5 : ‘बिग बॉस मराठी’चा खेळ हा अनेक ट्विस्टचा खेळ आहे. क्षणार्धात या खेळात अनेक वळण येतात आणि होत्याचं नव्हतं होतं. असंच काहीसं शनिवारच्या भागात झालेलं पाहायला मिळाले. बिग बॉस मराठीमध्ये अरबाज पटेल हा चांगला स्पर्धक प्रेक्षकांच्या कमी मतांमुळे बाहेर पडला. घराबाहेर जाण्याच्या प्रक्रियेत निक्की, अरबाज, जान्हवी, वर्षा आणि सूरज या पाच सदस्यांचा समावेश होता. त्यामुळे या पाच सदस्यांपैकी घरातून बाहेर कोण जाणार? याविषयीच्या अनेक चर्चा रंगलेल्या पाहायला मिळाल्या. सोशल मीडियावर वर्षा उसगांवकर या घराबाहेर जातील अशा प्रतिक्रिया नेटकऱ्यांकडून व्यक्त करण्यात आल्या होत्या. (Bigg Boss Marathi 5 New Promo)
अशातच नवीन प्रोमोमधून निक्की व अरबाज हे दोघे डेंजर झोनमध्ये असल्याचे सांगण्यात आलं होतं. त्यामुळे या दोघांमध्ये अखेरची लढत पाहायला मिळाली. अरबाज या आठवड्यात कॅप्टन असल्यामुळे सेफ असेल असा अंदाज चाहत्यांनी लावला होता, मात्र हा अंदाज चुकीचा ठरत अरबाजचा ‘बिग बॉस मराठी’च्या घरातील प्रवास रविवारी संपला. प्रेक्षकांनी दिलेल्या कमी मतांमुळे अरबाजचा या घरातील प्रवास संपला असल्याचे ‘बिग बॉस’ने म्हटलं. त्यामुळे अरबाज बाहेर जात असल्याचे ऐकताच निक्की ढसाधसा रडू लागली.
आणखी वाचा – धक्कादायक! अरबाज पटेल Bigg Boss Marathi च्या घराबाहेर, निक्कीचे रडून रडून हाल, असं का घडलं?
अरबाज पटेलच्या नॉमिनेशनच्या या धक्क्यानंतर आता ‘बिग बॉस’ने स्पर्धकांना आणखी एक धक्का दिला आहे. तो म्हणजे बिग बॉस एक मोठा निर्णय घेणार आहेत. कलर्स वाहिनीने नुकताच एक प्रोमो शेअर केला आहे, ज्यात ‘बिग बॉस’ असं म्हणतात की, ‘हा सीझन ब्लॉकबस्टर ठरला आहे”. त्यानंतर घरातील सर्व सदस्य भाऊचा धक्काच्या गाण्यावर बेभान होऊन नाचू लागतात. मात्र यानंतर ‘बिग बॉस’ म्हणतात की, “आता मला एक महत्त्वाची घोषणा करायची आहे. या नंतर बेभान होऊन नाचणारे स्पर्धक शांतच होतात.
आणखी वाचा – महाराष्ट्राचे ‘भूषण’ आता छोटा पडदा गाजवणार! अशोक सराफ यांची नवीन मालिका, भूमिका आहे फारच खास
‘बिग बॉस’च्या या महत्त्वाच्या निर्णयानंतर स्पर्धकांच्या चेहऱ्यावरचा रंगच उडतो. त्यामुळे आता ‘बिग बॉस’ने घेतलेला हा निर्णय नेमका काय असेल? ज्यामुळे स्पर्धकांच्या चेहऱ्यावरचा रंग उडाला आहे, हे आजच्या भागात प्रेक्षकांना पाहायला मिळाणार आहे. दरम्यान, ‘बिग बॉस मराठी’चा रविवारचा भाग चांगलाच गाजला. या भागात ‘नवरा माझा नवसाचा २’च्या निमित्ताने सुप्रिया पिळगांवकर, स्वप्नील जोशी व महानायक अशोक सराफ यांनी हजेरी लावली होती.
